1792 - Venda
MARANGAPHANDA
U nwalwa ha bugu iyi a si u toda u sumbedza u shaea ha thevhekano ya mveledzo, fhedzi i nga vha ya u lingedza u sumba nzudzanyo ya Murena yo bviselwaho khagala kha Testamente ntswa yawe kerekeni.
Mafhunga manzhi a ndeme o newa kha thodisiso ya iyi Bugu u bva kha bugu dzo bviswaho. "A Functioning Eldership" nga W.R. Walker; "Church Officers Guide" nga Edwin Hayden, na "Handbook for Elders and Deacons" nga R.C. Harding. Vho, mha murahu, nga u kana-kana na u neta kha dzimbilaelo dzi bvaho kha manwalo a vhathu. Vhutanzi uhu ho gudwa na mihumbulo yo vha yo teaho na u vha zwo tanganedzwa zwo andadzwa Afurika namusi.
Zwo bviswa na nga thabelo uri zwi nga vha thuso na u sumba ndila kha vhurangaphanda ha dzikereke dza Kristo Afrika nga vhuphara.
Munwali.
R. MILLS
NDIMA YA U THOMA
NZUDZANYO YA KEREKE
1. Nzudzanyo Yawe, as yo sumbedzwanokha Testamente ya kale, yo dovha hafhu u sumbedzwa zwavhudi kha Testamente Ntswa.
Kereke ya Kristo ndi kereke ya Testamente ntswa, yo bveledzwaho na u newa kha vhungoho kha Testamente ntswa, fhedzi u bva kale ho sumbedzwa tshipida kha Testamente ya kale.
Tshikepe tsho itwaho nga Noaxe tsho vha tshipida tsha Nzumbululo ya kereke ineya do tevhela mga murahu ha minwaha minzhi i daho. Mudzimu O nea nzudzanyo kha tshikepe tsha Noaxe nga vhudodombedzi vhuhulwane, na u ri nzudzanyo i yi yo tevhelwa nga vhuronwane. Mudzimu o vha a tshi khou amba uri zwi do sumba zwine kereke ine ya do tshidza vhathu uri i do vha hani. Tshikepe tsha Noaxe yo vha i ndila ya u tshidza vhane vha toda u tshidzwa nga madi manzhi o imaho. Noaxe o vhudzwa uri a funze uri vhathu vhothe vha dinee tshifhinga tsha u tanganedza mulaedza wawe vha tshidzwe. Vho dzhena nga munango muthihi tshikepeni tsha Noaxe na uri vha do tshidzwa mutshinyaloni. Tshikepe itshi tsho vha tshi na munango muthihi vhunga namusi ri tshi dzhena nga munango muthihi kerekeni, Yesu Kristo. Mudzimu o vala munango wa tshikepe nga duvha la mukumbululo. Mudzimu na Ene, U do vala munango wa kereke musi Murena a tshi vhuya u humbela vhawe. Vha so ngo humbelaho tshidzo humbelaho tshidzo ya Muya kha kereke vha do wana uri vho no lenga.
Zwinwe hafhu, kha tshifanyiso tssha Altare, Mudzimu o sumbedza zwinzhi nga ha kereke. Tshino tshifhinga O khetha u sumba zwidodombedzwa zwihulwane.
Tshipida tshinwe na tshinwe tsha Altare tsho vha tshi nga inwe ndila na u vha tshi tshi sumbedza zwinwe zwithu kerekeni. Mudzimu O nea milayo nga vhudalo na uri Mushe o vhona uri i a tevhedzwa nga Vhudalo Tshithavhelo tsho vha tsho tea u i twa Akltareni phanda ha Thembele naho huuri Murena Yesu o vha tshithavhelo tshashu zwi nga bveledzwa. Vhafunzi vho vha vha tshi ya u tamba nga madi a ndovhedzo phanda ha musi vha tshi dzhena tshifhatoni tsha Thembele, na sa vhaKristo, vhufunzi ha kale namusi, vhu fanela u tanzwiwa madini u tanzwiwa madini a ndovhedzo phanda ha musi vha tshi dzhena kha tshilalelo tsha kereke ya Yesu Kristo. Ngomu Altareni yone ine, ho vha hu na zwithu zwiraru zwa u kunakisa. Tshigodelo tsha u vhea khandela tsha musuku tsho imelaho tshedza tsha fhungo la Mudzimu sa zwo andadzwa ho kha fhungo la Mudzimu. Dafula la u nwata tshinkwa lo imela Dafula la murena kha thabelo ya Kereke. Dzialtare dza Vhukonani dzo imela dzithabelo dza vhakhethwa vha Mudzimu vha tshi gonya Mudzimuni zwa mudifho wa u nukhelela. Vhukati ha kamara mbili dza Altare ho athwa malagane mahulwane a vhidzwaho u pfi Tsireledzo ya Altare na nga murahu ya pfi tsireledzo ya thembele. Kamara idzi mbili inwe yo imela kereke inwe ya imela litadulu. Altareni idzi kamara mbili dzo khethekanywa nga tsireledzo. Labi ili lo kherulwa u bva ntha u ya fhasi nga duvha la u vhambiwa ha Murena zwo Sumbaho u vulwa ha minango ya litadulu nga lufu lwawe. Kristo o nea tshidzo nga kereke. Ngomu Altareni, mufunzi muhulwane o vha a tshi kona u dzhena Hukhethwakhethwa luthihi nga nwaha, e ethe. Kristo o vha a tshi dzhena litadulu, Ene mufunzi muhulwane washu u ri vulela ndila. U da ha kereke Yawe zwo sumbedzwo zwavhudi kha Mishumo ya Vhaapostola 2. Yo thoma nga duvha la Pentekoste, nga murahu ha u fa hawe na u vuwa vhafuni.
2. Kereke ndi muvhili wa Kristo a dovha a vha thoho yayo.
Vhathu vha sedza kereke sa dzangano tshifhinga tshothe. Kereke ndi muvhili wa Kristo Yesu. Ndi muvhili u tshilaho.
Manwalo a vhaEfesa 5:23 ari "Kristo ndi thoho ya tshivhidzo: A vha mutshidzi wa muvhili." Ndi thoho i laulaho muvhili. A hu na muvhili u ne wa nga ita tshithu u si na thoho, kana wa vha na thoho mbili. Ndi thoho ine ya vha na vhupfi na u vhu laula kha muvhili wothe. Vhunga kereke ya Murena i si na thoho mbili, fhano shangoni na tadulu. I nga si vhe dzangano lituku li no vhuswa nga mubishopo, supharithendede, muphuresidennde kana tshigwada khathihi na u vhuswa nga Kristo Yesu. Murena Yesu ndi thoho ya tshivhidzo. Tshivhidzo tshawe tsho lavhelesa Ene, thoho yatsho.
Muvhili wo vhumbwa nga zwipida zwinzhi hune tshipida tshinwe na tshinwe tsha vha na zwine tsha shuma zwone. "Muvhili a si murado muthihi fhedzi ndi minzhi." (1 vhakorinta 12:14) "Inwi-ha ni muvhili wa Kristo, ni mirado nga henefho he na vhewa hone. (1 Vhakorinta 12:7) Mirado ya mivhili yashu yo vhumbwa u ita zwinwe zwithu na uri a i shumi nga nnda ha musi yo laulwa nga thoho. Vhunga, rine ri mirado ya muvhili wa Murena. Rine ro tea-vho u Mu Ahumela nga hune ra kona ngaho. Ri nga si kone u ita uyo mushumo nga nnda ha u vha ro pfa ngae-vho.
Kereke, zwenezwo, i fhira dzangano. A si u tangana fhedzi ha vhathu vha fhethu huthihi vhe fhasi ha vhurangaphanda ha vhaEwangeli. A si tshifhato tshine ra tangana uri ri rabele khatsho. Kereke ndi tshigwada tsha vhathu vho tanganedzaho Yesu sa Mutshidzi na Murena wavho, vhane vha tevhedza mishumo yawe, Ri tshi tangana khana kha thabelo ya Kristo ri tshi tenda uri ndi thoho yashu. Ri nga rabela kha tshifhato, fhedzi ndi vhathu vha vhidzwaho u pfi kereke.
NDIMA YA VHUVHILI
MUSHUMO WA KEREKE
Iyani-ha ni ite vhathu vhothe vhafunziwa nga u vha lovhedza dzinani la khotsi na la Murwa na la Muya-Mukhethwa: Ndi vha funze u ita zwothe zwe nda ni laya. Huno vhonani, ndi na inwi misi yothe u swika vhufheloni ha lifhasi: - Mateo 28:19,20
1. Ndi mushumo wa u thoma na wa ndeme uri kereke i sike vhaKristo.
Vhukando ha u thoma u isa muthu kha Kristo ndi nga u junza. Na Murena Yesu ha ngo ambiwa uri ndi ene mufunzi muhulwane. O vhidzwa upfi "rabi", zwine zwa amba uri mufunzi. O funza a tshi shumisa lungano lune lwa sumbedza vhungoho ha muya. Tshinwe tshifhinga o funza zwinzhi nga ha vhathu kale-kale. Musi a tshi funza zwinzhi zwihulwane thavhani nga ha vhathu uri vha thetshelese mulaedza une namusi ra u vhidza uri ndi maambiwa a fhungo la Mudzimu thavhani, fhedzi, O vha a tshi dzula a tshi funza munwe na munwe vhunga a tshi di hudza a nyadza Nikodemo kana musadzi we a vha e tshisimani Samaria. O vha e mufunzi muhulwane. O ri ruma, na uri ri vhe vha funzi. A ro ngo tea u sa difha tshighinga tsha u funza muthu muthihi nga Kristo. Ro laedzwa nga Murena uri ri funze ri lovhedze na u ya phanda ri tshi funza. Mbuelo ya tsho the ya u funzwa uhu i do vha ya uri muthu u do vha na lutamo lwa u tevhela Murena.
Mu Filipo o funza Ethopia vhe na vhone vha toda u lovhedzwa. "Filipo a thoma u amba, a thoma nga manwalo eneo, a mu funza mafhungo madifa a Yesu .... nduna yari, vhona, madi ngea, tshi dzivhisaho ndi tshi lovhedzwa tshi nga vha mini?" (Mishumo ya Vhaapostola 8:35,36)
Mbuelo ya tshothe ya u funzwa nga ha Yesu ndi ya uri muthu u do toda u tevhela Ene. O ambaho. "A tendaho a lovhedzwa u do tshidzwa." (Marko 16:16) Hunwe fhethu o ri, "Muthu a sa bebiwa a tshi bva madini na muyani, ha koni u dzhena muvhusoni wa tadulu." (Yohane 3:5) Hu nga si vhe na mbudziso, fhedzi u tevhedza zwe Kristo amba ndi ndovhedzo na u hangwelwa zwivhi. Zwo nwalwa kha Luka, kha Mishumo ya Vhaapostola 2 maipfi a Petro Pentekoste, "Shandukani nothe ni lovhedzwe dzinani la Yesu Kristo, hu vhe u hangwelwa zwivhi; ndi hone ni tshi do tanganedza tshifhiwa tsha Muya-Mukhethwa." (Mishumo ya VhaApostola 2:38)
Ho ri musi mutendi o lovhedzwa, zwo ralo, ri fanela u ya Phanda u mu funza, ngauri, hu na zwithu zwinzhi zwine vho tendaho vha tea u zwi guda. Ndi mulayo wa kereke u ya phanda na u funza uri mutendi a gude u sedzulusa zwithu zwothe ndo mu vhudzaho (Kristo) A ro ngo tea u funza fhungo la Mudzimuu ro dzumbama, fhedzi ri tea u funzavhothe vhane vha do thetshelesa zwi sa pfiwi-vho. Naho arali muthu o tevhedza zwe Murena a amba, vhudifhinduleli uhu ha u funza a ho ngo swika magumoni. A ro ngo fanela u zwi hana arali ro diimisela mulayo wo newaho nga thoho ya tshivhidzo, Kristo.
2. Hu na zwithisi zwine zwa vha uri zwi bvela phanda kha mushumo wa kereke.
Kristo ha ngo ri ri fhate zwibadela na vhulondadzitsiwana kana nndu dza vhahulwane, fhedzi izwi zwithu ndi mbuelo ya tshothe ya u funzwa ha ipfi la Mudzimu na uri vhathu vha vhe vhaKristo. Ho funzwaho fhungo la Mudzimu, hu na zwibadela, hu na zwikolo, hu na vhulondadzitsiwana, hu na midi ya vhahulwane. Hu na lufuno kha muthu lwo itaho uri a dinekedzele u ita zwinwe zwithu u tusa thambulo na u tahelewa, Izwi zwo ralo, a si Mushumo wa u thoma wa kereke.
U thusa zwihole na mabofu na Madzingandevehe ndi zwavhudi nahone zwi tea u itwa, fhedzi mushumo muhulwane wa kereke ndi uri, nahone wo vha u sika vhaKristo vhanwe. Ri so ngo vha na bindu kha fhungo la Mudzimu li tshi dadisa lone line kha vhathu, VhaApostola vho funa vhathu, vho ita zwinzhi u thusa vhathu kha matungu a vho, fhedzi tshiitisi tsha madambi a u alafha ho vha u bveledza ngoho ya mulaedza wa tshidzo u mangadzaho. Na rine-vho ri na mulaedza wa u funza. Kereke yo itelwa u funza na u andadza tshidzo kha vhathu vho xelaho.
NDIMA YA VHURARU
VHAHULWANE
1. Muhulwane ndi muporofita, mufunzi, mubishopo muibgameli, na u vha mulisa wa sambi la kereke.
Musi ri tshi vhala kha manwalo, ri wana uri hu na madzina manzhi o fhambanaho o newaho mushumo wa muhulwane. Vha talutshedza nga inwe ndila ine mushumo a u ita. Muhulwane u na vhudifhinduleli ha u lisa sambi, na uri u vhidzwa u pfi Mulisa wa sambi la kereke. Arali muthu a na sambi lihulu la nngu na uri u fulufhela mulisa uri a dzi lise, uyo mulisa u na vhudifhinduleli ha u dzi isa pfuloni, u vhona uri dzo tsireledzea kha khombo, na u toda idzo dzine dza tshimbila dzi tshi ya kule dza xelana na dzinwe. U fanela u dzilisa na u dzi isa kha mune wadzo dzothe. Iyi ndi ndila ine muhulwane a vha na vhudifhi nduleli kha sambi la Murena, kereke Yawe, u sumba vhutshiloni hawe vhutshiloni hawe vhutshilo vhune Mudzimu a toda vha vha tshi vhu tshila. U fanela u vhona uri vha funzwa Ipfi la vhutshilo Arali a tshi nga vha funza ene mune, zwine zwa amba uri u fanela u vha na lufuno luhulwane kha Ipfi la Mudzimu na u kona u funza vhanwe. U fanela u kona u fhambanyisa vhudi kha vhu-vhi, na u vhona uri VhaKristo vha funzwa nga lufuno na vhungoho. Muhulwane u tea u vhona uri mulaedza wa Muewangeli ndi wa Mudzimu. U fanela u tsireledza sambi kha khombo ya avho vhane vha nga vha funza mazwifhi. Mateo u amba nga ha vhafunzi vha mazwifhi musi a tshi ri, "Thanyelani vhaporofita vha u zwifha, vhane vha da kha inwi vho ambara nguvho dza nngu, ngomu dziphele dza zwivhanda. Ndi do vha divha nga mitshelo yavho ine vha anwa." (Mateo 7:15,16). Arali muhulwane a sa sedzesi, huno a vha vhaporofita vha do da vha funza vhathu mazwifhi. Ni do vha divha nga mitshelo yavho ine vha na nga vhutshilo havho. Muewangeli wa ngoho na wa lutendo u do dzula a tshi ofha Mudzumu. Ane a tshilela mazwifhi ha ngo tewa nga muvhuso wa Tadulu na kereke a i nga mu tanganedzi. Paulo u talutshedza nga a vho vhathu vhane vha vha na tshifanyiso tsha u nga vha ofha Mudzimu, ngeno maanda aho vho a landula. "Vhenevho vho sendela kule havho. Kha vhenevho hu bva vha dzhenelaho vhanwe dzinduni, vha kumbulula zwisadzi zwo ziamedzwaho zwivhi, vha vhilingwaho na dzinyemulo dza mbeu nnzhi, vhane vha di dzula vha tshi funzwa, huno kha u talukanya mafhungo-ngoho vha si kone u swika khaho." (Timotheo 3:5-7) Muhulwane u tea u toda vhane vha tutshela kule na kereke a vha vhuisa kerekeni. U fanela u dzula o sedza u vhona munna kana musadzi a si na lutendo kha u rabela na u ya u vha dzhia a vha diza nduni ya Mudzimu. Muhulwane u tea u vha na vhudifhinduleli sa MuKristo a fulufhedzeaho Murena, na u vha muthu a funwaho nga vhathu. Dzina la mubishopo sa li shumiswaho namusi sa muporofita wa dzikereke, A li divhei Bivhilini. Bivhili i vhidza mubishopo sa muhulwane wa tshivhidzo tsha fhano shangoni. Muhulwane ma mubishopo vha a fana. Ndi vhalisa vha sambi la Mudzimu ine ya vha kereke. Mubishopou na vhudifhinduleli kha vhudi ha muya wa vhaKristo kha tshivhidzo tsha fhano fhasi. Ndi muhulwane.
2. Kristo u nga vhutanzi kha mushumo wa vhahulwane
Bivhili i talutshedza zwa vha khagala kha Tito 1:6-9 na kha Timotheo 3:2-7 vhathu vhane Mudzimu a do vha vhea thungo kha mushumo wa vhahulwane. A hu na ane ra do mu wana na luthihi ane a nga tevhedza thodea idzi dzothe, fhedzi ri na vhudifhinduleli ha u wana zwine kereke ya toda u nea na u nanga vhane vha do ita mushumo uyyu. Yesu ori, "Ndi zwone-ha, Ivhani vhavhuya vho gumaho, ni nge khotsi any wa tadulu e muvhuya o gumaho." (Mateo 5:48) Tshashu ndi uri ri tea u vha vhavhuya. Muthu ane a si vhe na lutamo lwa u linga nga maanda othe u vha tsumbo ya muKristo na murangaphanda ha ngo tea kha Mushumo wa muhulwane.
Muvhuya: (Tito 1:6) Muthu a so ngo divheaho u vha na mulandu kha vhutshilo hawe ha tshi-Kristo na tsumbo i so ngo nangwaho kha kereke mushumoni wa vhahulwane. Muhulwane u tea u vha muvhuya hune kereke ya mu vhea phanda.
Musadzi muthihi: (1 Timotheo 3:2) Kereke a yo ngo fanela u nanga munna sa muhulwane a divheaho uri u na vhasadzi vha fhiraho muthihi. Zwi tea u suma uri ndi munna wa musadzi muthihi na uri u a fulufhedzea khae. Arali musadzi wawe o dzama a dovha a dzea, a nga vha muhulwane tenda a tshi fulufhedzea kha musadzi wawe. Muhulwane ha ngo tea u vha na vhasadzi vhavhili nga tshifhinga tshithihi.
Vhana vho vhuswaho zwavhudi: (1 Timotheo 3:4) Vhana vha muhulwane vha fanela u vha vhaKristo vha fulufhedzeaho. Khotsi a MuKristo, o sumbedzaho tsumbo ya vhudi kha vha nndu yawe, u do sumbedza ndila vhana vhawe uri vha vhe vhaKristo-vho. Arali munna a sa funzi vhana vhawe uri vha tanganedze Murena, A nga ita hani uri vhanwe a vha ise kha Murena?
A so ngo vha a difunesaho: (Tito 1:7) Muhulwane u tea u vha a shumaho na vhanwe vhathu. Ha ngo fanwe vhathu. Ha ngo fanela u vha muthu ane tshifhinga tshothe a fara ndila dzawe. Tshifinga tshothe u fanela u ita zwine zwa vha zwavhukuma kha tshedza tsha Mudzimu. Vhahulwane vha fanela u shumisa, na uri vhashumisane na vhanwe vhahulwane vha tshivhidzo.
A so ngo vha wa mbilwana: (Tito 1:7) Muhulwane u fanela u vha muthu a sa soku fhela mbilu. U tea u vha a konaho u dilaula.
A so ngo vha wa dzitsemano: (1 Timotheo 3:3) Kereke i so ngo wanwa mulandu nga dzikhani na dziphambano. A so ngo didzhenisa kha izwo.
A so ngo vha e mulwi divhofhi: (1 Timotheo 3:3) Muhulwane a so ngo vha wa u tama u diphina. Ndi tshivhi u didzhenisa kha madaisi na mitatisano na mitambo na zwinwe zwine zwa sa do ni thusa. Zwithu zwa u ralo a zwi tendelwi kerekeni. Muhulwane a so ngo vha wa u tama midifho, ngauri midifho i ita uri muthu a vhe mutswi.
Zwi fhiwe dzikhonani na vhaeni: (1 Timotheo 3:2) Muhulwane u tea u tanganedza vhadali hayani hawe nga zwavhudi vhane vha vha vhaKristo kerekeni. U fanela u thusa zwisiwana na vhashai.
Mufuni wa zwivhuya: (Tito 1:8) Arali muhulwane e mufuni wa zwivhuya, u do dzula a tshi wanala kha thabelo tshifhinga tshothe kerekeni. Khonani dzawe dzi do vha idzo dzi funaho Mudzimu.
A si na khakhathi: (Tito 1:8) Muhulwane u fanela u kona u dihumbulela, a so ngo vha muthu ane a fhurwa a tuswa ndilani ya vhungoho.
O lugaho: (Tito 1:8) U tea u vha wa ngoho kha zwothe zwine a ita na u linga u tshila kha mulayo wa vhudi, na u ita zwithu zwine a do toda vha tshi ita kha vhone nga murahu.
Mukhethwa: (Tito 1:8) Muthu wa vhukuma ane a vha Mukhethwa, ha di iti Mukhethwa, fhedzi u na lutamo lwa u tshilela Mudzimu duvha linwe na linwe. Mudzimu u lavhelela uri vhaKristo vhothe vha do toda u vha vhakhethwa kha zwothe zwine vha ita kha vhutshilo havho.
O divho fhaho: (Tito 1:8) Muhulwane ha ngo fanela u vha a kambiwaho, a lesaho kana u ita vhupombwe vhutshiloni hawe. U fanela u vha o divhofhaho tshifhinga tshothe u disumbedza uri ene u MuKristo uri vhanwe vha mu tevhele.
Mukoni wa u funza: (1 Timotheo 3:2) Kha mulayo muhulwane we ra vhudzwa, ro Pfi ri tea u funza vhanwe. U funza ndi thodea khulwane kerekeni dzashu. Muhulwane u fanela u vhea phanda u funzwa ha tshivhidzo. Munwe u fanela u funza vhana, Munwe u fanela u funza vhaKristo vhaswa uri ho lavhelelwa mini ngavho. Naho hu vha-Kristo vha kale lutendoni, vha tea u funzwa nga ha vhudifhinduleli havho Murenani. Muhulwane u fanela u vhona uri vhathu avha vha funzwa kha Kristo.
A so ngo vha a tshe muswa: (1 Timotheo 3:6) A hu na muhulwane ane a fanela u diita MuKristo musa ene mune. Ha ngo tea u vha wa maduvha, a nga vha muswa lutendoni. Muthu a nga vha wa kale nga minwaha, fhedzi a tsha di vha muswa Murenani; zwo ralo muthu a nga vha mutuku nga minwaha, fhedzi a na tshenzhemo yavhudi kha mushumo wa Mudzimu.
Wa vhutanzi ha vhudi: (1 Timotheo 3:7) Arali muthu a na idzi thodea dzothe, izwo u do nga a nga vha na vhutanziha vhudi, Fhedzi zwi a todea uri muhulwane u tea u vha o humbulwa nga vhathu vhane vha vha nga nnda ha kereke. Vhathu vha mu divhaho sa Mudzula-tsini kana vhorambindu vha tea u humbula nga hae sa munna wa MuKristo, na u vha muthu a fulufhedzeaho tshifhinga tshothe. Arali vhathu vha nga nnda ha kereke vha sa mu humbuli zwavhudi, zwo ralo kereke a yo ngo tea u mu vhea thungo uri a vhe muhulwane. Zwinwe zwo khakhea.
3. Kereke yo tea u nanga vhanna vhane vha vha na vhutanzi uri vha vhe vhahulwane, zwo ralo vha tevhela vhurangaphanda havho.
Kereke nnzhi dzi nanga vhahulwane vhadzo nwaha munwe na munwe na dzigarata dzavho dza u dihwa ngadzo dzi bviswa uri dzi shume nwaha muthihi fhedzi. Ndi zwa ndeme u nanga avha vhanna uri kereke i khethe vhanna vhane vha vha tsini, vha ita thodea dzothe dza manwalo sa vhutanzi havho. Kereke itea u ita tsedzuluso ya idzi bugu phanda ha musi dzikhetho dzi tshi itwa.
Manwalo othe ane a amba kana u bula vhahulwane a amba-vho uri hu do vha na tshivhidzo tsha fhano fhasi tshi fhiraho tshithihi Manwalo ha ambi ngauri hu na muhulwane muthihi kha tshivhidzo kana tshifhio tsha fhano fhasi, ngauralo, kereke namusi i tea u vha na muhulwane muthihi fhethu hunwe na hunwe. Hu fanela u vha na vhahulwane vhararu kha tshividzo tshithihi. Naho huuri ndi tshigwada tshituku tsho tanganaho mabulasini kana mudini.
Kha u nanga avha vhathu, kereke i tea u nanga vhanna vha khwine vhane vha vha na vhutanzi vhane vha vha hone. Zwithu zwi ngaho lupfumo na pfunzo na u ambara kana zwavhudi zwa fhano fhasi a zwi na ndeme. Manwa lo ha buli izwi uri ndi vhutanzi ha vhahulwane. Zwa ndeme ndi zwa muya na vhutanzi ha u kona u pfesesa na u dzula kha mulayo wa Mudzimu. Musi a vha vhathu vho no nangwa na u vhewa dziofisini dzavho, vha tea u tendelwa u ranga tshivhidzo phanda lwa Muya. Vha na vhudifhinduleli ha thuso ya muya wa tshivhidzo na uri ndi vharangaphanda vha vhukuma vha tshivhidzo, na u vha vhalisa vha sambi. Mudzimu o nanga vhahulwane uri vha range vhathu vhawe phanda. Ndi khuliso khulwane na vhudifhinduleli u nangwa sa vhanwe vha vhahulwane vha kereke. VhaKristo vho vhudzwa kha manwalo uri khuliso i fanela u sumbedzwa kha vhahulwane. Paulo o nwala kha vhurifhi hawe a tshi nwalela Timotheo, "Muhulwane u so ngo tou my kaidzanya, mu kwengweledze vhunga khotsi."
Vhahulwane vha na mushumo munzhi une vha u ita kerekeni
Vhahulwane, vhane vha vha vharangaphanda vha kereke, vha fanela u vha tsumbo ya vhutshilo ha MuKristo kerekeni yothe. Kereke i tea u nanga vhanna uri vha vha vhe vhahulwane vhane vha do vha tsumbo yavhudi. Vhahulwane vha fanela u vha hone kha mushumo munwe na munwe wa thabelo ya kereke. Vha tea u vhona uri Dafula la Murena (Tshilalelo) lo itwa li tshi itelwa vhathu, naho Muewangeli a siho kana e hone. Arali muewangeli a siho, vhahulwane vha fanela u vhona uri hu na mulaedza kha vhathu u bvaho kha ipfi la Mudzimu. Kereke i nga vha i tshilaho hu si na muewangeli, fhedzi i tea u vha na vhahulwane vha fulufhedzeaho uri vha range vhathu phanda.
Vhahulwane vha fanela u tsireledza kereke kha vhaporofita. Vha mazwifhi na vhaewangeli. Vhuhulwane ho imela kereke kha lufuno lwa muewangeli u dadza maimo. Vha tea u vhona uri muthu ane a vha mukhethwa u takadza tshivhidzo, na uri ndi munna wa MuKristo a funaho Mudzimu na uri u do funza ipfi la Mudzimu kha ngoho. Vha fanela u sedzulusa uri o diimisela u shumela tshivhidzo na u tendela na nae uri mbadelo yawe i do vha hani na uri i do badelwa hani. Zwo ralo, vha na vhudifhinduleli phanda ha Mudzimu na uri thendelano iyi yo dzudzanywa. Vha na vhudifhinduleli ha u funza hawe na zwine a ita sa muewangeli wavho. Arali nga murahu ha u vhidza muewangeli, vha wana uri ha tsha tanganedzea, vha fanela u mu divhadza uri u fanela u toda tshinwe tshivhidzo tshiswa tshine a nga tshi shumela. Arali o wanala mulandu wa u vha a si MuKristo, kana u funza mazwifhi Bivhilini, u tea u humbelwa u tuwa nga u tavhanya. Vhahulwane vha na vhudi fhinduleli kha Mudzimu uri uyo muthu a so ngo tusa kereke ndilani ya Murena nga u funza kana tsumbo.
Kerekeni dzothe, hu na avho vhane vha humela murahu zwivhini. Izwi ndi mafhungo a vhukuma. Kha vhaHeberu ri vhala uri, "Ngauri avho vhe vha vhuya vha vhonetshelwa, vhe vha thetshela tshifhiwa tshi bvaho tadulu, vhe, vha fhiwa mukovhe wavho wa Muya-Mukhethwa, vhe vha thetshela mudifho wa fhungo la Mudzimu, vhe vha pfa maanda a vhutshilo vhune ha do da, vhenevho arali vha gwinea, u vha vhathu, vhaswa a zwi tsha do dovha zwa konadzea. Kha vhone, a vha tsha do shanduka, ngauri vho diitela vha tshi dovha vha vhamba Murwa wa Mudzimu, vho mu nyadzisa." (VhaHeberu 6:4-6) Sa mulisa u fanela u lisa nngu dzine dza xelana na sambi, zwenezwo na muhulwane u fanela u lisa vhaKristo vhane vha xelana na kereke, vha dzhena swiswini la zwivhi. Vhahulwane vha na vhudi fhinduleli kha sambi la kereke, vha tea u toda na u vhuisa kha Murena nga lufuno vha mu tevhelaho ndilani Yawe.
NDIMA YA VHUNA
VHASHUMELI
1. Zwine mushumeli a ita zwo talutshedzwa nga dzina
Ro shumisa ipfi "muewangeli" kha bugu iyi musi ri tshi toda u faedza mu shumo wa vhafunzi. Izwi ndi ngauri ipfi mushumeli zwine zwa vha zwavhukuma zwi amba uri mufarisi wa mufunzi. Mushumeli ndi mufarisi wa mufunzi wa kereke arali ri tshi shumisa maipfi a tshiBivhili. Mushumeli u vhona uri thodea dza kereke dzo itwa uri vhahulwane vha vhofholowe uri vha wane tshifhinga tshavho kha zwa muya.
2. Bivhili i nea vhutanzi kha vhashumeli
Kha vhurifhi ha Paulo ha u thoma a tshi nwalela Timotheo, ndima ya vhuraru, ndimana thukhu 8:12, ri vhala nga ha ndunzhe-ndunzhe ya vhutanzi ha vhashumeli. Ndi vha maimo a ntha.
Vha vhe na vhugala: (1 Timotheo 3:8) Mukhethwa u tea u diimisela kha mushumo wa Murena. U do nea mushumo wa kereke na u elelwa u vhona uri zwi itwa nga ngona.
Vhungoho: (1 Timotheo 3:8) Mushumeli u fanela u vha muthu ane a fulufhedzea kha zwithu zwothe. Vha na vhudifhinduleli kha zwothe zwa tshelede ya kereke.
U dikaidza: (1 Timotheo 3:8) Mushumeli a so ngo vha a tshi kambiwa. U fanela u vha muimeli wa vhudi wa tshivhidzo tshifhinga tshothe.
Vhadzia mabindu: (1 Timotheo 3:8) Vha fanela u vha vha fulufhedzeaho kha Murena Yesu na Kereke Yawe. Vha tea u fulufhedzea kha mulaedza wa Murena, ngamaanda-maanda arali vha tshi khou funza mulaedza Wawe. Vha tea u fulufhedzea kha thabelo na kha mushumo wa Murena vha sa kana kani.
Vha tea u vha na tshenzhemo: (1 Timotheo 3:10) Mushumeli u fanela u vha MuKristo ane a divhea u vha a tshi fulufhedzea. A so ngo vha a tsha di vha muswa kerekeni na kha Murena.
A so ngo vha a nyadzano: (1 Timotheo: 3:10) Ndi zwa ndeme uri mushumeli a humbulwe nga hae nga avho vhane vha si vhe vhaKristo, ngauri ene, na vhahulwane, vha do lavheleswa nga vhathu vhane vha nnda ha kereke sa tsumbo ya MuKristo. Kereke i do hatulwa nga ene.
Munna wa musadzi muthihi: (1 Timotheo 3:12) A hu na munna wa MuKristo o tendelwaho u vha na vhasadzi vhane vha fhira muthi, hi naho a sa fulufhedzei kha musadzi wawe. Vharangaphanda vha kereke vha fanela u vha tsumbo kha vhanwe vhakristo nga izwi.
U vhusa vhana vhavho zwavhudi: (1 Timotheo 3:12) Mushumeli u tea u sumbedza vha nndu yawe ndila uri vha vhe vhaKristo vha fulufhedzeaho. Vha nndu yawe vha tea u vha tsumbo kerekeni.
3. Mishumo ine vhashumeli vha i shuma kerekeni
Ndi vhudifhinduleli vhuhulwane ha vhashumeli u thusa vhahulwane kerekeni.
Kha ri humbule nga minwe mishumo ine vha nga ita u bvela phanda kha izwi.
Vhashumeli vha tea u fara zwa masheleni a kereke. Vha tea u vhona uri tshifhato tshi dzula tshi tshi lugiswa, na uri ndisedzo ya madi na mudagasi zwi badelwa hu si na u lenga kana hu si na zwithithisi, na uri dzirennde dzi a badelwa arali dzi tshi koloda, na uri muewangeli u badelwa nga pfanelo. Zwi nga vha zwavhudi arali mufaragwama na munwaleli wa hofisini wa kereke vha vha vhashumeli. Kereke inwe na inwe yo vha yo tea u ita thendelana na muewangeli uri badelo yawe i do vha vhungaha nwedzi munwe na munwe, na vhashumeli vha fanela u vhona uri u badelwa ine ya kolodiwa khae. Vhashumeli vha tea u tangana tshifhinga tshothe u vha na nzhele ya ndivhadzo ya mufara gwama, mbuelo ya kereke nga minikelo na zwifhiwa zwa mirado na zwikolodo. Dzirekhodo dzi tea u vhewa na tshelede ya kereke yo nwalwa nga vhusedzulusi. Avha vhashumeli vha tea u vha tsumbo ya vhudi kha u nea minikelo yavho na nea minikelo yavho na zwifhiwa kha Murena.
Munwaleli wa hofisini wa kereke a nga kha di vha mushumeli kana muhulwane. U fanela u vhea zwavhudi dzivekhodo dza avho vho lovhedzwaho na vhane vha litsha kereke. U fanela u rekhoda dzimpfu na avho vhane vha tuwa vha tshi ya kha dzinwe bulege na u vhona uri madzina avho o thuthwa buguni dza kereke.
4. Kereke i nga nanga vhafumakadzi sa vhashumeli vha vhafumakadzi
Kha Timotheo 3:11, ri vhala uri, "Na vhasadzi vha di ralo-vho, vha vhe vhadzia-vhugala, vha so ngo vha vha zwitshele, vha vhe vhadzia u sa nwa, vha fulufhedzeaho kha zwothe." Kha vhaRoma 16:1 zwitou nga hu na u fanisa kha Foivhe we a vha e mushumeli tshivhidzoni tsha kenkrea Roma. O vha e mufarisi wa kereke.
Vhafumakadzi a vha vha do ita mushumo muhulwane wo tanganaho na "Tshigwada tsha mirabelo ya vhafumakadzi" tsha dzikereke. Vha do vhona uri tshifhato tsha kereke tsho kunakiswa; na u vhona uri dzindilo dza tshilalelo dzo kuna na u vha dzo lugiselwa u do shumiswa Dafulani la Murena matsheloni mangwe na manwe a Duvha la Murena. Zwi do thusa u funza zwikoloni zwa swondaha u vhidza na zwisiwana na vhashai, kana avho vhane vha lwala kerekeni, na uri vha do rabelela vhothe. Hu ra zwithu zwinzhi cwine vhafumakadzi vha nga shuma zwavhudi khazwo kerekeni.
NDIMA YA VHUTANU
MUEWANGELI
1. Dzina lo vha thalutshedzo kha mushumo une wa itwa nga muewa ngeli
Muthu a nga kha di pfa muewangeli a tshi vhidzwa mufunzi, fhedzi mushumo wawe a si munzhi une vhufunzi ha nga andadza fhungo la Mudzimu. Vhufunzi ha vhahulwane na vhashumeli.
2. Vhutanzi ha muewangeli
A hu na ndunzhendunzhe ya vhutanzi ha muewangeli vhune ha wanala Bivhilini, fhedzi ri nga vha na ngoho ya uri a vha nga vhi vhatuku nga Mushumo sa vhahulwane kana vhashumeli. Stefano zwo vha zwi zwavhukuma e muewangeli na mushumeli, sa Filipo. Ndi zwine zwa bva vhukati ha vhashumeli vha kereke uri vhunzhi ha vhaewangeli vhanzhi vhaswa vha tea u da. A vha vhanna vha fanela u ya gudedzini u gudela u andadza fhungo la Mudzimu lo khwathaho.
3. Mushumo wa muewangeli
Ndi mushumo wa muewangeli u andadza na u funza mafhuungo a Kristo. U tea u dinea tshifhinga tshawe tshothe kha mushumo wawe, zwo ralo, kereke yo vha yo tea u ita thendelano nae uri vha do mu badela muholo wo teaho kha uri vha nduni yawe vha wane zwiliwa zwine vha zwi toda na uri vha do mu nea nndv ine a do dzula na vha nndu yawe. A rali ri tshi vhala 1 Vhakorinta 9, na 1 Timoheo 5, ri do vhona uri Murena u amba uri ri tea u nea kha muewangeli a shayo. Muewangeli u tea u shuma o khwatha u bveledza kufunzele kuswa na mafhungomadifha a kereke na vhahulwane na vhashumeli vha tea u mu thusa u vhona uri thuso dzo teaho dzi a itwa afho fhethu ha u rabela na mushumo wa tshilalelo. Muewangeli u tea u dalela fhethu hothe ha u funzela tshifhinga tshothe u vhona uri hu na fhethu ha vhudi ha u rabela. Arali hu nga itea uri afho fhethuhu na fhethu hunzhi ha u funzela ha muewangeli na vhahulwane na vhashumeli u vhona uri mushumo u farwa vhege inwe na inwe, zwenezwo, zwigwada zwi tea u khethekana na uri hu do vhidzwa muewangeli muswa u thusa afho fhethu.
U andadzwa ha fhungo la Mudzimu ndi mushumo wa kereke a si mushumo wa muvhuso wa shango. Ndi mushumo wa Murena, hu si maimo a u huliswa. Thanziela dza mushumo wa hofisini, zwiambaro zwitswu, dziphuraphura na dzithendelo dza u ita zwinwe zwithuna u fhungudzelwa mitengo na u hulisea, a zwi shumelani na kereke ya Testamente ntswa ua Kristo. Muewangeli wa vhukuma ha iti mushumo wawe uri a huliswe nga vhathu. U u itela u shumela Mudzimu. Ipfi :Muhulisei" li shumiswa luthihi Bivhilini na uri li shumiswa kha Mudzimuhu si muthu. (Dzipsalme 111:9)
Mushumo wa muewangeli ndi u andadza fhungo la Mudzimu na u funza na u shumisana na vhatendi kha Kristo na u bveledza fhethu huswa ha u funzela kerekeni, fhedzi u tea u thusa nga tshifhinmga tsha lufu lwa munwe wa miradoya kereke, na u vha tshifhinga tshothe a tsumbo yavhudi kha VhaKristo. Nga duvha la lufu, ndi tshone tshifhinga tsha vhudi tsha u tangana na vhathu uri vha wane tshidzo yavho. Ndi tshifhinga tsha musi vhathu vha tshi humbula nga vhutshilo nga murahu ha musi ho bvelela lufu na uri vha nga vha vho diimisela u fa. Kereke i tea u hulisa muewangeli kha mushumo na vhutshiloni hawe, zwi si itwe ngauri ndi muewangeli.
NDIMA YA VHUTANU NA VHUTHIHI
ZWIMBVUMBVUSI ZWA KEREKE
Hu na zwimbvumbvusi zwinzhi zwa kereke zwine zwi si wanale Bivhilini, fhedzi zwo tendelanaho na u funzwa ha Bivhili. Izwi ndi zwone zwavhudi na uri zwi tea u itwa nga ndila ya tshiLristo.
1. Tshikolo tsha swondaha
Ndi tsha ndeme kha zwothe zwa iyi Mishumo ndi mushumo wa tshikolo tsha Swondaha tsha kereke. Vhahulwane vha tea u langa izwi, naho vhufunzi ha vhukuma vhu nga itwa nga murado ane a vha na vhukoni munwe na munwe wa kereke. Hu tea u vha na dzikilasi nga duvha linwe na linwe la Murena, ngauri tshikoloni tsha Swondaha ndi hone hune ha do bva mirado ya matshelo minzhi ya kereke. Vha fanela u funzwa u funa Murena na u vha wa u thoma kha zwithu zwothe. Munikelo wa tshikolo tsha Swondaha u fanela u newa mufaragwama wa kereke u vhulungela zwine tshikolo tsha swondaha tsha do zwi toda sa zwishumiswa zwa u funza na dzibodo dza u nwalela na dzitshoko, na dzibugu kana mabammbiri a u nwalela.
2. Mitangano ya vhafumakadzi
Mutangano wa vhafumakadzi ndi u tanganela thabelo, chukonani na u guda nga ha Bivhili. Samusi a vha vhafumakadzi vha tshi ita mushumo wa vhashumeli vha vhafumakadzi tshifhinga tshothe, nga izwo, Mutangano wa vhafumakadzi u na ndeme kerekeni.
3. U gudiswa na vhaswa na vhatendi vhaswa.
Kereke inwe na inwe i tea u vha na tshifhinga musi vhaswa vha kale na vhatendi vhaswa vha tishi tangana u vhala Bivhili. Bivhili iri vhudza uri nga murahu ha musi vhathu vho lovhedzwa kha Kristo, ri tea u ya phanda na u vha funza. Kha rasithi ya 10c ya mbadelo ya poswo, mubveledzi wa iyi bugu u do rumela ndunzhe-ndunzhe ya zwishumiswa zwine zwa vha hone kha mushumo uyu.
Mutangano uyu u tea-vho u vha na tshifhinga tsha thabelo na vhukonani na ngudo. Vhanzhi vha tshigwada itshi vha fanela u vha vhaKristo, arali vha so ngo ita ngauralo-vho.
4. Khwairi
Vhanzi vha vhaswa vha do vha mirado ya khwairi, ngauralo zwi nga vha zwavhudi u vha na iyi mitangano mivhili madekwana eneo, munwe nga murahi ha munwe. Khwairi i tea u vha fhasi ha muthu ane a vha hone. I tea u lugisela vhathu vhanzhi vha khwine duvha linwe na linwe la Mushumo wa Murena.
5. Mutangano wa kereke.
Mutangano wa nwaha wa kereke, tshinwe tshifhinga u vhidzwa upfi khonferensi, ndi tshifhinga tsha vhukonani, na thabelo na u hulisa Mudzimu. A si tshifhinga tsha u sika milayo ya kereke kana u tandulula dzithaidzo dza kereke. Thaidzo idzi dzi teau tandululwa nga kereke dza fhano fhasi dzine dza kwamea hu si nga tshifhinga tsha khonferensi kana dzikhonferensi. Zwipikara zwavhudi na muzika zwi shumiswaho khonferensini uri zwi nga vha zwo shudufhadzwaho kha vhothe vhane vha dzhenela iyo khonferensi.
Kereke inwe na inwe ya Kristo ya fhano fhasi i nga dzhenela iyo khong\ferensi, nga nnda ha musi i tshi shuma yo tangana na dzinwe kereke dzo dzhenelaho na u vha yo tanganedzwa khadzo. Dzi do toda muewangeli o tanganedzeaho ane a shumela tshivhidzo.
Kha mafhungo a u khetha vhahulwane vha khonferensi, tshivhidzo tshinwe na tshinwe tsho tendelwa u vha na vhaimeli vhavhili vhane vha do tshi imela. Arali tshi tshivhidzo tshihulwane, muimeli muthihi o engedzwaho u do tendelwa kha nyengedzedzo inwe na inwe, zwine zwa vha uri arali i mirado ya dana i do vha na vhaimeli vhatanu.
6. Fhethu ha rali na u andadza mafhungo na mitangano ya kotara inwe na inwe ya nwaha.
Kereke nnzhi dzine dza vha tsini na tsini, kana dzi no shumelwa nga Muewangeli muthihi, dzi na fhethu ha mitangano, khamusi nga murahu ha minwe na minwe. Mitangano iyi i do farwa kha inwe ya dzikereke dza henefho fhethu. Dzi do vha dza zwa vhukonani na mirabelo, na uri a hu na bindu line ha ambiwa nga halo kana u kuvhanganya tshelede zwaho.
7. Tshikolo tsha u gudisa Bivhili.
Kereke dzi do toda uri vhaewangeli vhadzo vhothe vha gudiswe tshikoloni tsha u gudisa Bivhili tsho bveledzelwaho mushumo uyu. Zwifhinga zwa u tanganedzwa tshikoloni ndi zwinzhi na u gudiswa ndi ho teaho. Ndi zwavhudi kha kereke musi dzi tshi vhidza mueeangeli, u tenda uri vha do mu badela kha tshenzhemo yawe na u gudisa tshikoloni vhathu vho gudiswaho zwavhudi na u vha na tshenzhemo vha ita mushumo wa vhudi na uri vho tewa nga mbadelo yavhudi-vho.
Naho ri tshi funza dzipfunzo dza Bivhili , nga u guda muthu a hayani, ri vhona uri nga murahu ha ngudo ya u thoma, u gudiswa ngamanda nahone zwa phanda zwi tea u itwa ngomu kilasini. Arali muthu a tshi toda u gudela vhuewangeli, u fanela u kona u fhindula mbudziso dza mugudisi na u vha o fhindulwa zwavhudi, u fanela u vha na laiburari ine ya vha hone ya dzibugu, na zwinwe zwithu zwo teaho tshiloloni. A ri nei ngudo ya u thoma nga poswo.
NDIMA YA VHUTANI NA VHUVHILI
DZITSHELEDE
1. Nga ndila ine muKristo a shumisa tshele de yawe ndi zwa ndeme.
Mu Kristo o ambiwa kha Testamente ntswa.
MuKristo o ambiwa kha Testamente ntswa sa mudzudzanyi wa mitangano na u londa zwishumiswa zwa tshivhidzo. Zwine zwo amba uri zwine ra vha nazwo a si zwa rine vhane. Zwothe zwine ra vha nazwo ndi zwa Mudzimu na uri u lavhelela uri ri do zwi shumisa nga ndila ya u MU hulisa. Na u khoda dzina lawe. (Luka 16:1-8, 19:11-28) MuKristo a nga si zwi ite, uri a dise zwa zwinwe zwa zwe a kana kha Murena na uri a lavhelele u shumisa zwo salaho nga inwe ndila ine a funa. Na rine vhane ri vha Mudzimu. A ri di tshileli nga rine vhane. Ri nga si shumise zwo salaho nga murahu ha musi ro isa zwinwe kerekeni, tsumbo, kha fola na kha madaisi na kha halwa, na kha zwinwe zwithu zwine zwa vha zwivhi. Zwine zwa sala ndi zwa Mudzimu, ngauralo u a ri tendela u zwi dzhia ra zwi shumisa kha vha nduni dzashu. Ri fanela u ita zwothe nga u hulisa Mudzimu.
Tshifhinga tshothe Bivhili yo funza uri tsha-fumi tsha kana zwi tea u ya Mudzimuni. Izwi zwi vhidzwa u pfi ndi Mitendelo kana minikelo. (Genesi 28:22) Nehemia 10:37,38; Maleaxi 3:8-10) MuYuda, eve a so ngo vhaho na maanda a u shumela Murena, U kha di tea u badela tsha-fumi kha izwo zwothe o swi wanaho kha Murena. Rine, rine ra vha na Kristo, ri koloda ngamaanda tshikolodo tshihulwane kha Murena sa zwe MuYuda a ita. Mudzimu o fulufhedzisa u shudufhadza avho vhashu vhane vha fulufhedzea kha Murena ngauralo. Ri tea u nea kha Murena nga kereke Yawe, kha zwothe zwine ra kana. Ri nga si nee tshelede thukhu kha Murena ra lavhelela uri u do ri shudufhadza. Kha bugu yaMalexi u kaidza avho vhane vha linga u ita izwi "Dzimbava" (Maleaxi 3:8) Ri vhala II VhaKorinta 8:4 na Kha Mishumo ya Vhaapostola 2:42 nga ha vhukonani hashu khathihi na thabelo. Izwi a si vhukonani Fhedzi kha thabelo, Fhedzi ndi vhukonani ha u nea kha Murena-vho.
U nea hashu hothe zwi sumba uri ri funa Murena. Mudzimu u funa munei a no nea o takala. Nga ndila iyi ri nga vhea vhafaragwama vhashu ntha tadulu, ngauralo i nea ndimpho ine ra fanela u i livhuha.
2. Ndila nthini ya uri Mudzimu o nea thikedzo o nea thikedzo ya kereke ndi nga zwifhiwa zwa VhaKristo.
Mudzimu ha ngo ri ri tshimbile mudi nga mudi ri tshi kuvhanganya tshelede ya Kereke. Zwi a nyadzisa musi kereke i tshi fanela u humbela vhane vha si vhe vhaKristo u tikedza mushumo wa Murena. A ri nga nei kha Mushumo wa Mudzimu nga mavhengele a dzithundu na dzitie na dzikhonsati na mitatisano kana inwe ndila ya u ita tshelede. Musi vhaKristo vhothe vho nea zwine zwa vha zwa vhukuma zwa Mudzimu kerekeni, hu do vha na tshelede nnzhi ya u badela zwa kereke. Mudzimu o ralo ari, vhaKristo vhothe vha tea u badela zwikolodo zwa kereke.
3. Mitendelo (minikelo) ya kereke ndi mushumo wa Murena.
Vhashumeli vha na vhudifhinduleli ha u shumisa tshelede iyi sa ine ya vha ya u shumela Murena. Yo itelwa u renga zwishumiswa zwa kereke na u badela muholo wa vhaewangeli, na u andadza fhungo la Mudzimu kha vhanwe kha iyo tshelede, mutengo we vha tendelana khawo u fanela u badelwa muewangeli vhege inwe na inwe, zwikolodo zwa madi na mudagasi zwi tea u badelwa, rennde ya tshifhato tsha kereke, na zwinwe zwikolodo zwa kereke kana zwa tshikolo tsha Swondaha. Kereke i fanela u vhea tshelede inwe na inwe thungo nwedzi munwe na munwe uri i rumelwe tshikoloni tsha Bivhili kha u gudisa Bivhili kha u gudisa vhaewangeli, na tshelede ya chaewangeli na ya u fhata u bveledza mushumo wa Murena kha vhanwe vhathu.
4. Kereke i tea u vha na tshelede yo vhetshelwaho u vha ya tshifhato.
Kereke inwe na inwe itea u vha na bugu ya mbulungelo ya tshelede (bannga) ya u lavhelesa tshi fhato. Iyi tshelede i shumiswa fhedzi kha u lugiswa ha tshifhato kana u fhata tshifhato tshiswa tsha kereke kana nndu ya lutendo Minikelo yo khethwaho i nga shumiswa kha tshelede iyi kana inwe ya vhege inwe na inwe i nga vhetshelwa thungo kha thodea idzi.
NDIMA YA VHUTANI NA VHURARU.
KHULISO YA KEREKE
1. Mushumo wa khuliso u tea u vha nga ngona na u vha na thompho kha Murena.
Ndugiselo yavhudi itea u itwa phanda ha musi mushumo wa khuliso woitwa u vhona uri nyimbo dzine dza do shumiswa dzo nangwa, na uri Munwe muthu o humbelwa u ranga phanda thabelo, na uri Dafula la Murena (tshilalelo) lo andadzwa u lugiselwa u do itwa. Mishumo yothe i tea u vha nga u tevhekana na nga thabelo.
2. Dafula la Murena ndi tshifhinga tsho khethwaho u vha tshifhinga tsha u shumela Mudzimu.
Vhasadzi vha tea u vha vho adzela malabi dafulani zwinkwa na dzibigiri dza tshilalelo zwavhudi phanda ha musi mushumo u tshi thoma. Hu tea u vha na dzibigiri dzo teaho u vha dzo linganaho vhaKristo vhane vha vha hone, fhedzi arali dzo lugela u shela tie nga tshifhinga tsha Mushumo, hu tea u dzhielwa nzhele uri izwi zwi itwa nga u sumbedza thompho. Madi a mutshelo ane a nga rengwa na mabodelo matuku zwino, a tea u vha o luga kha bigiri thuku ine ya vha hone kana tshifaro tsha tie u itela uri i shelwe hu si na vhuleme. Hu tea u vha na zwiliwa zwinzhi kana zwinkwa zwi so ngo lungwaho hene fho mathomoni. Arali nga zwinwe zwiitisi, madi a mutshelo a so ngo rengwa, dzhamu ya mutshelo i nga tanganiswa na madi zwa fhambanyiswa sa madi ane a vha vhudzuloni ha zwiliwa. Izwi zwi do vha hone kha mudi munwenamunwe kana vhengeleni.
3. Ndovhedzo ndi tshifhinga tsha u shumela mudzimu kha muKristo munwe na munwe muswa.
Nga khumbelo, muthu utea u elelwa tshifhinga tshothe duvha le a lovhedzwa ngalo. Vhahulwane nga vha vhe vhadzula zwidulo na u vha na thomphokha tshifhinga itshi tsha mushumo wa Mudzimu. Hu fanela u vhalwa manwalo a fhung o la Mudzimu, thabelo ha ndovhedzo ya vhukuma yone ine, hungwe na u imba nyimbo. Vhahulwane vha tea u vha na vhungoho ha uri ndi zwa vhukuma afho fhethu hu na madi manzhi. Madi a tea u vha a tshi guma khunduni ya muthu nga u tsa hao. Uri hu so ngo vha na vhuleme na u kondelwa kha u lovhedzwa. Ndi zwa ndeme uri mulamboni muthu a dzheniswe madini nahone fhasifhasi hu tea u sedzwa uri a hu na zwithithisi naa Muthu u tea u dzheniswa ngomu madini nga zwavhudi na uri hu na madi a elaho fhasi, Fhedzi utea u takulelwa-ha ntha hafhu nga u tavhanya a bva madini a mbwandamedzwe hafhu na uri thuswe nga ngu vho u ya fhethu hune ha vha na zwiambaro zwo omaho a kone u ambara.
4. Thanziela ya ndovhedzo i tea u newa nga murahu ha ndovhedzo.
Nga murahu ha ndovhedzo mushumi wa hofisi wa kereke u tea u lugisa thanziela na zwothe nga ha mutendi na kereke iyi. A hu na mbadelo i no itwa kha thanziela i yi kana tari li no fana nayo zwayo arali thanziela yone ine yo xela. Izwi ndi zwa vhukuma, na kha certificates zwine zwa newa vhana vhane vha vha mirado ya kereke. Nga itsho tshifhinga vhabebi vho eletshedzwa u laya vhana vhavho uri vha vhe vhaKristo vha fuluufhedzeaho musi vho no hula uri vha nga vha na muhumbulo uyu.
MARANGAPHANDA
U nwalwa ha bugu iyi a si u toda u sumbedza u shaea ha thevhekano ya mveledzo, fhedzi i nga vha ya u lingedza u sumba nzudzanyo ya Murena yo bviselwaho khagala kha Testamente ntswa yawe kerekeni.
Mafhunga manzhi a ndeme o newa kha thodisiso ya iyi Bugu u bva kha bugu dzo bviswaho. "A Functioning Eldership" nga W.R. Walker; "Church Officers Guide" nga Edwin Hayden, na "Handbook for Elders and Deacons" nga R.C. Harding. Vho, mha murahu, nga u kana-kana na u neta kha dzimbilaelo dzi bvaho kha manwalo a vhathu. Vhutanzi uhu ho gudwa na mihumbulo yo vha yo teaho na u vha zwo tanganedzwa zwo andadzwa Afurika namusi.
Zwo bviswa na nga thabelo uri zwi nga vha thuso na u sumba ndila kha vhurangaphanda ha dzikereke dza Kristo Afrika nga vhuphara.
Munwali.
R. MILLS
NDIMA YA U THOMA
NZUDZANYO YA KEREKE
1. Nzudzanyo Yawe, as yo sumbedzwanokha Testamente ya kale, yo dovha hafhu u sumbedzwa zwavhudi kha Testamente Ntswa.
Kereke ya Kristo ndi kereke ya Testamente ntswa, yo bveledzwaho na u newa kha vhungoho kha Testamente ntswa, fhedzi u bva kale ho sumbedzwa tshipida kha Testamente ya kale.
Tshikepe tsho itwaho nga Noaxe tsho vha tshipida tsha Nzumbululo ya kereke ineya do tevhela mga murahu ha minwaha minzhi i daho. Mudzimu O nea nzudzanyo kha tshikepe tsha Noaxe nga vhudodombedzi vhuhulwane, na u ri nzudzanyo i yi yo tevhelwa nga vhuronwane. Mudzimu o vha a tshi khou amba uri zwi do sumba zwine kereke ine ya do tshidza vhathu uri i do vha hani. Tshikepe tsha Noaxe yo vha i ndila ya u tshidza vhane vha toda u tshidzwa nga madi manzhi o imaho. Noaxe o vhudzwa uri a funze uri vhathu vhothe vha dinee tshifhinga tsha u tanganedza mulaedza wawe vha tshidzwe. Vho dzhena nga munango muthihi tshikepeni tsha Noaxe na uri vha do tshidzwa mutshinyaloni. Tshikepe itshi tsho vha tshi na munango muthihi vhunga namusi ri tshi dzhena nga munango muthihi kerekeni, Yesu Kristo. Mudzimu o vala munango wa tshikepe nga duvha la mukumbululo. Mudzimu na Ene, U do vala munango wa kereke musi Murena a tshi vhuya u humbela vhawe. Vha so ngo humbelaho tshidzo humbelaho tshidzo ya Muya kha kereke vha do wana uri vho no lenga.
Zwinwe hafhu, kha tshifanyiso tssha Altare, Mudzimu o sumbedza zwinzhi nga ha kereke. Tshino tshifhinga O khetha u sumba zwidodombedzwa zwihulwane.
Tshipida tshinwe na tshinwe tsha Altare tsho vha tshi nga inwe ndila na u vha tshi tshi sumbedza zwinwe zwithu kerekeni. Mudzimu O nea milayo nga vhudalo na uri Mushe o vhona uri i a tevhedzwa nga Vhudalo Tshithavhelo tsho vha tsho tea u i twa Akltareni phanda ha Thembele naho huuri Murena Yesu o vha tshithavhelo tshashu zwi nga bveledzwa. Vhafunzi vho vha vha tshi ya u tamba nga madi a ndovhedzo phanda ha musi vha tshi dzhena tshifhatoni tsha Thembele, na sa vhaKristo, vhufunzi ha kale namusi, vhu fanela u tanzwiwa madini u tanzwiwa madini a ndovhedzo phanda ha musi vha tshi dzhena kha tshilalelo tsha kereke ya Yesu Kristo. Ngomu Altareni yone ine, ho vha hu na zwithu zwiraru zwa u kunakisa. Tshigodelo tsha u vhea khandela tsha musuku tsho imelaho tshedza tsha fhungo la Mudzimu sa zwo andadzwa ho kha fhungo la Mudzimu. Dafula la u nwata tshinkwa lo imela Dafula la murena kha thabelo ya Kereke. Dzialtare dza Vhukonani dzo imela dzithabelo dza vhakhethwa vha Mudzimu vha tshi gonya Mudzimuni zwa mudifho wa u nukhelela. Vhukati ha kamara mbili dza Altare ho athwa malagane mahulwane a vhidzwaho u pfi Tsireledzo ya Altare na nga murahu ya pfi tsireledzo ya thembele. Kamara idzi mbili inwe yo imela kereke inwe ya imela litadulu. Altareni idzi kamara mbili dzo khethekanywa nga tsireledzo. Labi ili lo kherulwa u bva ntha u ya fhasi nga duvha la u vhambiwa ha Murena zwo Sumbaho u vulwa ha minango ya litadulu nga lufu lwawe. Kristo o nea tshidzo nga kereke. Ngomu Altareni, mufunzi muhulwane o vha a tshi kona u dzhena Hukhethwakhethwa luthihi nga nwaha, e ethe. Kristo o vha a tshi dzhena litadulu, Ene mufunzi muhulwane washu u ri vulela ndila. U da ha kereke Yawe zwo sumbedzwo zwavhudi kha Mishumo ya Vhaapostola 2. Yo thoma nga duvha la Pentekoste, nga murahu ha u fa hawe na u vuwa vhafuni.
2. Kereke ndi muvhili wa Kristo a dovha a vha thoho yayo.
Vhathu vha sedza kereke sa dzangano tshifhinga tshothe. Kereke ndi muvhili wa Kristo Yesu. Ndi muvhili u tshilaho.
Manwalo a vhaEfesa 5:23 ari "Kristo ndi thoho ya tshivhidzo: A vha mutshidzi wa muvhili." Ndi thoho i laulaho muvhili. A hu na muvhili u ne wa nga ita tshithu u si na thoho, kana wa vha na thoho mbili. Ndi thoho ine ya vha na vhupfi na u vhu laula kha muvhili wothe. Vhunga kereke ya Murena i si na thoho mbili, fhano shangoni na tadulu. I nga si vhe dzangano lituku li no vhuswa nga mubishopo, supharithendede, muphuresidennde kana tshigwada khathihi na u vhuswa nga Kristo Yesu. Murena Yesu ndi thoho ya tshivhidzo. Tshivhidzo tshawe tsho lavhelesa Ene, thoho yatsho.
Muvhili wo vhumbwa nga zwipida zwinzhi hune tshipida tshinwe na tshinwe tsha vha na zwine tsha shuma zwone. "Muvhili a si murado muthihi fhedzi ndi minzhi." (1 vhakorinta 12:14) "Inwi-ha ni muvhili wa Kristo, ni mirado nga henefho he na vhewa hone. (1 Vhakorinta 12:7) Mirado ya mivhili yashu yo vhumbwa u ita zwinwe zwithu na uri a i shumi nga nnda ha musi yo laulwa nga thoho. Vhunga, rine ri mirado ya muvhili wa Murena. Rine ro tea-vho u Mu Ahumela nga hune ra kona ngaho. Ri nga si kone u ita uyo mushumo nga nnda ha u vha ro pfa ngae-vho.
Kereke, zwenezwo, i fhira dzangano. A si u tangana fhedzi ha vhathu vha fhethu huthihi vhe fhasi ha vhurangaphanda ha vhaEwangeli. A si tshifhato tshine ra tangana uri ri rabele khatsho. Kereke ndi tshigwada tsha vhathu vho tanganedzaho Yesu sa Mutshidzi na Murena wavho, vhane vha tevhedza mishumo yawe, Ri tshi tangana khana kha thabelo ya Kristo ri tshi tenda uri ndi thoho yashu. Ri nga rabela kha tshifhato, fhedzi ndi vhathu vha vhidzwaho u pfi kereke.
NDIMA YA VHUVHILI
MUSHUMO WA KEREKE
Iyani-ha ni ite vhathu vhothe vhafunziwa nga u vha lovhedza dzinani la khotsi na la Murwa na la Muya-Mukhethwa: Ndi vha funze u ita zwothe zwe nda ni laya. Huno vhonani, ndi na inwi misi yothe u swika vhufheloni ha lifhasi: - Mateo 28:19,20
1. Ndi mushumo wa u thoma na wa ndeme uri kereke i sike vhaKristo.
Vhukando ha u thoma u isa muthu kha Kristo ndi nga u junza. Na Murena Yesu ha ngo ambiwa uri ndi ene mufunzi muhulwane. O vhidzwa upfi "rabi", zwine zwa amba uri mufunzi. O funza a tshi shumisa lungano lune lwa sumbedza vhungoho ha muya. Tshinwe tshifhinga o funza zwinzhi nga ha vhathu kale-kale. Musi a tshi funza zwinzhi zwihulwane thavhani nga ha vhathu uri vha thetshelese mulaedza une namusi ra u vhidza uri ndi maambiwa a fhungo la Mudzimu thavhani, fhedzi, O vha a tshi dzula a tshi funza munwe na munwe vhunga a tshi di hudza a nyadza Nikodemo kana musadzi we a vha e tshisimani Samaria. O vha e mufunzi muhulwane. O ri ruma, na uri ri vhe vha funzi. A ro ngo tea u sa difha tshighinga tsha u funza muthu muthihi nga Kristo. Ro laedzwa nga Murena uri ri funze ri lovhedze na u ya phanda ri tshi funza. Mbuelo ya tsho the ya u funzwa uhu i do vha ya uri muthu u do vha na lutamo lwa u tevhela Murena.
Mu Filipo o funza Ethopia vhe na vhone vha toda u lovhedzwa. "Filipo a thoma u amba, a thoma nga manwalo eneo, a mu funza mafhungo madifa a Yesu .... nduna yari, vhona, madi ngea, tshi dzivhisaho ndi tshi lovhedzwa tshi nga vha mini?" (Mishumo ya Vhaapostola 8:35,36)
Mbuelo ya tshothe ya u funzwa nga ha Yesu ndi ya uri muthu u do toda u tevhela Ene. O ambaho. "A tendaho a lovhedzwa u do tshidzwa." (Marko 16:16) Hunwe fhethu o ri, "Muthu a sa bebiwa a tshi bva madini na muyani, ha koni u dzhena muvhusoni wa tadulu." (Yohane 3:5) Hu nga si vhe na mbudziso, fhedzi u tevhedza zwe Kristo amba ndi ndovhedzo na u hangwelwa zwivhi. Zwo nwalwa kha Luka, kha Mishumo ya Vhaapostola 2 maipfi a Petro Pentekoste, "Shandukani nothe ni lovhedzwe dzinani la Yesu Kristo, hu vhe u hangwelwa zwivhi; ndi hone ni tshi do tanganedza tshifhiwa tsha Muya-Mukhethwa." (Mishumo ya VhaApostola 2:38)
Ho ri musi mutendi o lovhedzwa, zwo ralo, ri fanela u ya Phanda u mu funza, ngauri, hu na zwithu zwinzhi zwine vho tendaho vha tea u zwi guda. Ndi mulayo wa kereke u ya phanda na u funza uri mutendi a gude u sedzulusa zwithu zwothe ndo mu vhudzaho (Kristo) A ro ngo tea u funza fhungo la Mudzimuu ro dzumbama, fhedzi ri tea u funzavhothe vhane vha do thetshelesa zwi sa pfiwi-vho. Naho arali muthu o tevhedza zwe Murena a amba, vhudifhinduleli uhu ha u funza a ho ngo swika magumoni. A ro ngo fanela u zwi hana arali ro diimisela mulayo wo newaho nga thoho ya tshivhidzo, Kristo.
2. Hu na zwithisi zwine zwa vha uri zwi bvela phanda kha mushumo wa kereke.
Kristo ha ngo ri ri fhate zwibadela na vhulondadzitsiwana kana nndu dza vhahulwane, fhedzi izwi zwithu ndi mbuelo ya tshothe ya u funzwa ha ipfi la Mudzimu na uri vhathu vha vhe vhaKristo. Ho funzwaho fhungo la Mudzimu, hu na zwibadela, hu na zwikolo, hu na vhulondadzitsiwana, hu na midi ya vhahulwane. Hu na lufuno kha muthu lwo itaho uri a dinekedzele u ita zwinwe zwithu u tusa thambulo na u tahelewa, Izwi zwo ralo, a si Mushumo wa u thoma wa kereke.
U thusa zwihole na mabofu na Madzingandevehe ndi zwavhudi nahone zwi tea u itwa, fhedzi mushumo muhulwane wa kereke ndi uri, nahone wo vha u sika vhaKristo vhanwe. Ri so ngo vha na bindu kha fhungo la Mudzimu li tshi dadisa lone line kha vhathu, VhaApostola vho funa vhathu, vho ita zwinzhi u thusa vhathu kha matungu a vho, fhedzi tshiitisi tsha madambi a u alafha ho vha u bveledza ngoho ya mulaedza wa tshidzo u mangadzaho. Na rine-vho ri na mulaedza wa u funza. Kereke yo itelwa u funza na u andadza tshidzo kha vhathu vho xelaho.
NDIMA YA VHURARU
VHAHULWANE
1. Muhulwane ndi muporofita, mufunzi, mubishopo muibgameli, na u vha mulisa wa sambi la kereke.
Musi ri tshi vhala kha manwalo, ri wana uri hu na madzina manzhi o fhambanaho o newaho mushumo wa muhulwane. Vha talutshedza nga inwe ndila ine mushumo a u ita. Muhulwane u na vhudifhinduleli ha u lisa sambi, na uri u vhidzwa u pfi Mulisa wa sambi la kereke. Arali muthu a na sambi lihulu la nngu na uri u fulufhela mulisa uri a dzi lise, uyo mulisa u na vhudifhinduleli ha u dzi isa pfuloni, u vhona uri dzo tsireledzea kha khombo, na u toda idzo dzine dza tshimbila dzi tshi ya kule dza xelana na dzinwe. U fanela u dzilisa na u dzi isa kha mune wadzo dzothe. Iyi ndi ndila ine muhulwane a vha na vhudifhi nduleli kha sambi la Murena, kereke Yawe, u sumba vhutshiloni hawe vhutshiloni hawe vhutshilo vhune Mudzimu a toda vha vha tshi vhu tshila. U fanela u vhona uri vha funzwa Ipfi la vhutshilo Arali a tshi nga vha funza ene mune, zwine zwa amba uri u fanela u vha na lufuno luhulwane kha Ipfi la Mudzimu na u kona u funza vhanwe. U fanela u kona u fhambanyisa vhudi kha vhu-vhi, na u vhona uri VhaKristo vha funzwa nga lufuno na vhungoho. Muhulwane u tea u vhona uri mulaedza wa Muewangeli ndi wa Mudzimu. U fanela u tsireledza sambi kha khombo ya avho vhane vha nga vha funza mazwifhi. Mateo u amba nga ha vhafunzi vha mazwifhi musi a tshi ri, "Thanyelani vhaporofita vha u zwifha, vhane vha da kha inwi vho ambara nguvho dza nngu, ngomu dziphele dza zwivhanda. Ndi do vha divha nga mitshelo yavho ine vha anwa." (Mateo 7:15,16). Arali muhulwane a sa sedzesi, huno a vha vhaporofita vha do da vha funza vhathu mazwifhi. Ni do vha divha nga mitshelo yavho ine vha na nga vhutshilo havho. Muewangeli wa ngoho na wa lutendo u do dzula a tshi ofha Mudzumu. Ane a tshilela mazwifhi ha ngo tewa nga muvhuso wa Tadulu na kereke a i nga mu tanganedzi. Paulo u talutshedza nga a vho vhathu vhane vha vha na tshifanyiso tsha u nga vha ofha Mudzimu, ngeno maanda aho vho a landula. "Vhenevho vho sendela kule havho. Kha vhenevho hu bva vha dzhenelaho vhanwe dzinduni, vha kumbulula zwisadzi zwo ziamedzwaho zwivhi, vha vhilingwaho na dzinyemulo dza mbeu nnzhi, vhane vha di dzula vha tshi funzwa, huno kha u talukanya mafhungo-ngoho vha si kone u swika khaho." (Timotheo 3:5-7) Muhulwane u tea u toda vhane vha tutshela kule na kereke a vha vhuisa kerekeni. U fanela u dzula o sedza u vhona munna kana musadzi a si na lutendo kha u rabela na u ya u vha dzhia a vha diza nduni ya Mudzimu. Muhulwane u tea u vha na vhudifhinduleli sa MuKristo a fulufhedzeaho Murena, na u vha muthu a funwaho nga vhathu. Dzina la mubishopo sa li shumiswaho namusi sa muporofita wa dzikereke, A li divhei Bivhilini. Bivhili i vhidza mubishopo sa muhulwane wa tshivhidzo tsha fhano shangoni. Muhulwane ma mubishopo vha a fana. Ndi vhalisa vha sambi la Mudzimu ine ya vha kereke. Mubishopou na vhudifhinduleli kha vhudi ha muya wa vhaKristo kha tshivhidzo tsha fhano fhasi. Ndi muhulwane.
2. Kristo u nga vhutanzi kha mushumo wa vhahulwane
Bivhili i talutshedza zwa vha khagala kha Tito 1:6-9 na kha Timotheo 3:2-7 vhathu vhane Mudzimu a do vha vhea thungo kha mushumo wa vhahulwane. A hu na ane ra do mu wana na luthihi ane a nga tevhedza thodea idzi dzothe, fhedzi ri na vhudifhinduleli ha u wana zwine kereke ya toda u nea na u nanga vhane vha do ita mushumo uyyu. Yesu ori, "Ndi zwone-ha, Ivhani vhavhuya vho gumaho, ni nge khotsi any wa tadulu e muvhuya o gumaho." (Mateo 5:48) Tshashu ndi uri ri tea u vha vhavhuya. Muthu ane a si vhe na lutamo lwa u linga nga maanda othe u vha tsumbo ya muKristo na murangaphanda ha ngo tea kha Mushumo wa muhulwane.
Muvhuya: (Tito 1:6) Muthu a so ngo divheaho u vha na mulandu kha vhutshilo hawe ha tshi-Kristo na tsumbo i so ngo nangwaho kha kereke mushumoni wa vhahulwane. Muhulwane u tea u vha muvhuya hune kereke ya mu vhea phanda.
Musadzi muthihi: (1 Timotheo 3:2) Kereke a yo ngo fanela u nanga munna sa muhulwane a divheaho uri u na vhasadzi vha fhiraho muthihi. Zwi tea u suma uri ndi munna wa musadzi muthihi na uri u a fulufhedzea khae. Arali musadzi wawe o dzama a dovha a dzea, a nga vha muhulwane tenda a tshi fulufhedzea kha musadzi wawe. Muhulwane ha ngo tea u vha na vhasadzi vhavhili nga tshifhinga tshithihi.
Vhana vho vhuswaho zwavhudi: (1 Timotheo 3:4) Vhana vha muhulwane vha fanela u vha vhaKristo vha fulufhedzeaho. Khotsi a MuKristo, o sumbedzaho tsumbo ya vhudi kha vha nndu yawe, u do sumbedza ndila vhana vhawe uri vha vhe vhaKristo-vho. Arali munna a sa funzi vhana vhawe uri vha tanganedze Murena, A nga ita hani uri vhanwe a vha ise kha Murena?
A so ngo vha a difunesaho: (Tito 1:7) Muhulwane u tea u vha a shumaho na vhanwe vhathu. Ha ngo fanwe vhathu. Ha ngo fanela u vha muthu ane tshifhinga tshothe a fara ndila dzawe. Tshifinga tshothe u fanela u ita zwine zwa vha zwavhukuma kha tshedza tsha Mudzimu. Vhahulwane vha fanela u shumisa, na uri vhashumisane na vhanwe vhahulwane vha tshivhidzo.
A so ngo vha wa mbilwana: (Tito 1:7) Muhulwane u fanela u vha muthu a sa soku fhela mbilu. U tea u vha a konaho u dilaula.
A so ngo vha wa dzitsemano: (1 Timotheo 3:3) Kereke i so ngo wanwa mulandu nga dzikhani na dziphambano. A so ngo didzhenisa kha izwo.
A so ngo vha e mulwi divhofhi: (1 Timotheo 3:3) Muhulwane a so ngo vha wa u tama u diphina. Ndi tshivhi u didzhenisa kha madaisi na mitatisano na mitambo na zwinwe zwine zwa sa do ni thusa. Zwithu zwa u ralo a zwi tendelwi kerekeni. Muhulwane a so ngo vha wa u tama midifho, ngauri midifho i ita uri muthu a vhe mutswi.
Zwi fhiwe dzikhonani na vhaeni: (1 Timotheo 3:2) Muhulwane u tea u tanganedza vhadali hayani hawe nga zwavhudi vhane vha vha vhaKristo kerekeni. U fanela u thusa zwisiwana na vhashai.
Mufuni wa zwivhuya: (Tito 1:8) Arali muhulwane e mufuni wa zwivhuya, u do dzula a tshi wanala kha thabelo tshifhinga tshothe kerekeni. Khonani dzawe dzi do vha idzo dzi funaho Mudzimu.
A si na khakhathi: (Tito 1:8) Muhulwane u fanela u kona u dihumbulela, a so ngo vha muthu ane a fhurwa a tuswa ndilani ya vhungoho.
O lugaho: (Tito 1:8) U tea u vha wa ngoho kha zwothe zwine a ita na u linga u tshila kha mulayo wa vhudi, na u ita zwithu zwine a do toda vha tshi ita kha vhone nga murahu.
Mukhethwa: (Tito 1:8) Muthu wa vhukuma ane a vha Mukhethwa, ha di iti Mukhethwa, fhedzi u na lutamo lwa u tshilela Mudzimu duvha linwe na linwe. Mudzimu u lavhelela uri vhaKristo vhothe vha do toda u vha vhakhethwa kha zwothe zwine vha ita kha vhutshilo havho.
O divho fhaho: (Tito 1:8) Muhulwane ha ngo fanela u vha a kambiwaho, a lesaho kana u ita vhupombwe vhutshiloni hawe. U fanela u vha o divhofhaho tshifhinga tshothe u disumbedza uri ene u MuKristo uri vhanwe vha mu tevhele.
Mukoni wa u funza: (1 Timotheo 3:2) Kha mulayo muhulwane we ra vhudzwa, ro Pfi ri tea u funza vhanwe. U funza ndi thodea khulwane kerekeni dzashu. Muhulwane u fanela u vhea phanda u funzwa ha tshivhidzo. Munwe u fanela u funza vhana, Munwe u fanela u funza vhaKristo vhaswa uri ho lavhelelwa mini ngavho. Naho hu vha-Kristo vha kale lutendoni, vha tea u funzwa nga ha vhudifhinduleli havho Murenani. Muhulwane u fanela u vhona uri vhathu avha vha funzwa kha Kristo.
A so ngo vha a tshe muswa: (1 Timotheo 3:6) A hu na muhulwane ane a fanela u diita MuKristo musa ene mune. Ha ngo tea u vha wa maduvha, a nga vha muswa lutendoni. Muthu a nga vha wa kale nga minwaha, fhedzi a tsha di vha muswa Murenani; zwo ralo muthu a nga vha mutuku nga minwaha, fhedzi a na tshenzhemo yavhudi kha mushumo wa Mudzimu.
Wa vhutanzi ha vhudi: (1 Timotheo 3:7) Arali muthu a na idzi thodea dzothe, izwo u do nga a nga vha na vhutanziha vhudi, Fhedzi zwi a todea uri muhulwane u tea u vha o humbulwa nga vhathu vhane vha vha nga nnda ha kereke. Vhathu vha mu divhaho sa Mudzula-tsini kana vhorambindu vha tea u humbula nga hae sa munna wa MuKristo, na u vha muthu a fulufhedzeaho tshifhinga tshothe. Arali vhathu vha nga nnda ha kereke vha sa mu humbuli zwavhudi, zwo ralo kereke a yo ngo tea u mu vhea thungo uri a vhe muhulwane. Zwinwe zwo khakhea.
3. Kereke yo tea u nanga vhanna vhane vha vha na vhutanzi uri vha vhe vhahulwane, zwo ralo vha tevhela vhurangaphanda havho.
Kereke nnzhi dzi nanga vhahulwane vhadzo nwaha munwe na munwe na dzigarata dzavho dza u dihwa ngadzo dzi bviswa uri dzi shume nwaha muthihi fhedzi. Ndi zwa ndeme u nanga avha vhanna uri kereke i khethe vhanna vhane vha vha tsini, vha ita thodea dzothe dza manwalo sa vhutanzi havho. Kereke itea u ita tsedzuluso ya idzi bugu phanda ha musi dzikhetho dzi tshi itwa.
Manwalo othe ane a amba kana u bula vhahulwane a amba-vho uri hu do vha na tshivhidzo tsha fhano fhasi tshi fhiraho tshithihi Manwalo ha ambi ngauri hu na muhulwane muthihi kha tshivhidzo kana tshifhio tsha fhano fhasi, ngauralo, kereke namusi i tea u vha na muhulwane muthihi fhethu hunwe na hunwe. Hu fanela u vha na vhahulwane vhararu kha tshividzo tshithihi. Naho huuri ndi tshigwada tshituku tsho tanganaho mabulasini kana mudini.
Kha u nanga avha vhathu, kereke i tea u nanga vhanna vha khwine vhane vha vha na vhutanzi vhane vha vha hone. Zwithu zwi ngaho lupfumo na pfunzo na u ambara kana zwavhudi zwa fhano fhasi a zwi na ndeme. Manwa lo ha buli izwi uri ndi vhutanzi ha vhahulwane. Zwa ndeme ndi zwa muya na vhutanzi ha u kona u pfesesa na u dzula kha mulayo wa Mudzimu. Musi a vha vhathu vho no nangwa na u vhewa dziofisini dzavho, vha tea u tendelwa u ranga tshivhidzo phanda lwa Muya. Vha na vhudifhinduleli ha thuso ya muya wa tshivhidzo na uri ndi vharangaphanda vha vhukuma vha tshivhidzo, na u vha vhalisa vha sambi. Mudzimu o nanga vhahulwane uri vha range vhathu vhawe phanda. Ndi khuliso khulwane na vhudifhinduleli u nangwa sa vhanwe vha vhahulwane vha kereke. VhaKristo vho vhudzwa kha manwalo uri khuliso i fanela u sumbedzwa kha vhahulwane. Paulo o nwala kha vhurifhi hawe a tshi nwalela Timotheo, "Muhulwane u so ngo tou my kaidzanya, mu kwengweledze vhunga khotsi."
Vhahulwane vha na mushumo munzhi une vha u ita kerekeni
Vhahulwane, vhane vha vha vharangaphanda vha kereke, vha fanela u vha tsumbo ya vhutshilo ha MuKristo kerekeni yothe. Kereke i tea u nanga vhanna uri vha vha vhe vhahulwane vhane vha do vha tsumbo yavhudi. Vhahulwane vha fanela u vha hone kha mushumo munwe na munwe wa thabelo ya kereke. Vha tea u vhona uri Dafula la Murena (Tshilalelo) lo itwa li tshi itelwa vhathu, naho Muewangeli a siho kana e hone. Arali muewangeli a siho, vhahulwane vha fanela u vhona uri hu na mulaedza kha vhathu u bvaho kha ipfi la Mudzimu. Kereke i nga vha i tshilaho hu si na muewangeli, fhedzi i tea u vha na vhahulwane vha fulufhedzeaho uri vha range vhathu phanda.
Vhahulwane vha fanela u tsireledza kereke kha vhaporofita. Vha mazwifhi na vhaewangeli. Vhuhulwane ho imela kereke kha lufuno lwa muewangeli u dadza maimo. Vha tea u vhona uri muthu ane a vha mukhethwa u takadza tshivhidzo, na uri ndi munna wa MuKristo a funaho Mudzimu na uri u do funza ipfi la Mudzimu kha ngoho. Vha fanela u sedzulusa uri o diimisela u shumela tshivhidzo na u tendela na nae uri mbadelo yawe i do vha hani na uri i do badelwa hani. Zwo ralo, vha na vhudifhinduleli phanda ha Mudzimu na uri thendelano iyi yo dzudzanywa. Vha na vhudifhinduleli ha u funza hawe na zwine a ita sa muewangeli wavho. Arali nga murahu ha u vhidza muewangeli, vha wana uri ha tsha tanganedzea, vha fanela u mu divhadza uri u fanela u toda tshinwe tshivhidzo tshiswa tshine a nga tshi shumela. Arali o wanala mulandu wa u vha a si MuKristo, kana u funza mazwifhi Bivhilini, u tea u humbelwa u tuwa nga u tavhanya. Vhahulwane vha na vhudi fhinduleli kha Mudzimu uri uyo muthu a so ngo tusa kereke ndilani ya Murena nga u funza kana tsumbo.
Kerekeni dzothe, hu na avho vhane vha humela murahu zwivhini. Izwi ndi mafhungo a vhukuma. Kha vhaHeberu ri vhala uri, "Ngauri avho vhe vha vhuya vha vhonetshelwa, vhe vha thetshela tshifhiwa tshi bvaho tadulu, vhe, vha fhiwa mukovhe wavho wa Muya-Mukhethwa, vhe vha thetshela mudifho wa fhungo la Mudzimu, vhe vha pfa maanda a vhutshilo vhune ha do da, vhenevho arali vha gwinea, u vha vhathu, vhaswa a zwi tsha do dovha zwa konadzea. Kha vhone, a vha tsha do shanduka, ngauri vho diitela vha tshi dovha vha vhamba Murwa wa Mudzimu, vho mu nyadzisa." (VhaHeberu 6:4-6) Sa mulisa u fanela u lisa nngu dzine dza xelana na sambi, zwenezwo na muhulwane u fanela u lisa vhaKristo vhane vha xelana na kereke, vha dzhena swiswini la zwivhi. Vhahulwane vha na vhudi fhinduleli kha sambi la kereke, vha tea u toda na u vhuisa kha Murena nga lufuno vha mu tevhelaho ndilani Yawe.
NDIMA YA VHUNA
VHASHUMELI
1. Zwine mushumeli a ita zwo talutshedzwa nga dzina
Ro shumisa ipfi "muewangeli" kha bugu iyi musi ri tshi toda u faedza mu shumo wa vhafunzi. Izwi ndi ngauri ipfi mushumeli zwine zwa vha zwavhukuma zwi amba uri mufarisi wa mufunzi. Mushumeli ndi mufarisi wa mufunzi wa kereke arali ri tshi shumisa maipfi a tshiBivhili. Mushumeli u vhona uri thodea dza kereke dzo itwa uri vhahulwane vha vhofholowe uri vha wane tshifhinga tshavho kha zwa muya.
2. Bivhili i nea vhutanzi kha vhashumeli
Kha vhurifhi ha Paulo ha u thoma a tshi nwalela Timotheo, ndima ya vhuraru, ndimana thukhu 8:12, ri vhala nga ha ndunzhe-ndunzhe ya vhutanzi ha vhashumeli. Ndi vha maimo a ntha.
Vha vhe na vhugala: (1 Timotheo 3:8) Mukhethwa u tea u diimisela kha mushumo wa Murena. U do nea mushumo wa kereke na u elelwa u vhona uri zwi itwa nga ngona.
Vhungoho: (1 Timotheo 3:8) Mushumeli u fanela u vha muthu ane a fulufhedzea kha zwithu zwothe. Vha na vhudifhinduleli kha zwothe zwa tshelede ya kereke.
U dikaidza: (1 Timotheo 3:8) Mushumeli a so ngo vha a tshi kambiwa. U fanela u vha muimeli wa vhudi wa tshivhidzo tshifhinga tshothe.
Vhadzia mabindu: (1 Timotheo 3:8) Vha fanela u vha vha fulufhedzeaho kha Murena Yesu na Kereke Yawe. Vha tea u fulufhedzea kha mulaedza wa Murena, ngamaanda-maanda arali vha tshi khou funza mulaedza Wawe. Vha tea u fulufhedzea kha thabelo na kha mushumo wa Murena vha sa kana kani.
Vha tea u vha na tshenzhemo: (1 Timotheo 3:10) Mushumeli u fanela u vha MuKristo ane a divhea u vha a tshi fulufhedzea. A so ngo vha a tsha di vha muswa kerekeni na kha Murena.
A so ngo vha a nyadzano: (1 Timotheo: 3:10) Ndi zwa ndeme uri mushumeli a humbulwe nga hae nga avho vhane vha si vhe vhaKristo, ngauri ene, na vhahulwane, vha do lavheleswa nga vhathu vhane vha nnda ha kereke sa tsumbo ya MuKristo. Kereke i do hatulwa nga ene.
Munna wa musadzi muthihi: (1 Timotheo 3:12) A hu na munna wa MuKristo o tendelwaho u vha na vhasadzi vhane vha fhira muthi, hi naho a sa fulufhedzei kha musadzi wawe. Vharangaphanda vha kereke vha fanela u vha tsumbo kha vhanwe vhakristo nga izwi.
U vhusa vhana vhavho zwavhudi: (1 Timotheo 3:12) Mushumeli u tea u sumbedza vha nndu yawe ndila uri vha vhe vhaKristo vha fulufhedzeaho. Vha nndu yawe vha tea u vha tsumbo kerekeni.
3. Mishumo ine vhashumeli vha i shuma kerekeni
Ndi vhudifhinduleli vhuhulwane ha vhashumeli u thusa vhahulwane kerekeni.
Kha ri humbule nga minwe mishumo ine vha nga ita u bvela phanda kha izwi.
Vhashumeli vha tea u fara zwa masheleni a kereke. Vha tea u vhona uri tshifhato tshi dzula tshi tshi lugiswa, na uri ndisedzo ya madi na mudagasi zwi badelwa hu si na u lenga kana hu si na zwithithisi, na uri dzirennde dzi a badelwa arali dzi tshi koloda, na uri muewangeli u badelwa nga pfanelo. Zwi nga vha zwavhudi arali mufaragwama na munwaleli wa hofisini wa kereke vha vha vhashumeli. Kereke inwe na inwe yo vha yo tea u ita thendelana na muewangeli uri badelo yawe i do vha vhungaha nwedzi munwe na munwe, na vhashumeli vha fanela u vhona uri u badelwa ine ya kolodiwa khae. Vhashumeli vha tea u tangana tshifhinga tshothe u vha na nzhele ya ndivhadzo ya mufara gwama, mbuelo ya kereke nga minikelo na zwifhiwa zwa mirado na zwikolodo. Dzirekhodo dzi tea u vhewa na tshelede ya kereke yo nwalwa nga vhusedzulusi. Avha vhashumeli vha tea u vha tsumbo ya vhudi kha u nea minikelo yavho na nea minikelo yavho na zwifhiwa kha Murena.
Munwaleli wa hofisini wa kereke a nga kha di vha mushumeli kana muhulwane. U fanela u vhea zwavhudi dzivekhodo dza avho vho lovhedzwaho na vhane vha litsha kereke. U fanela u rekhoda dzimpfu na avho vhane vha tuwa vha tshi ya kha dzinwe bulege na u vhona uri madzina avho o thuthwa buguni dza kereke.
4. Kereke i nga nanga vhafumakadzi sa vhashumeli vha vhafumakadzi
Kha Timotheo 3:11, ri vhala uri, "Na vhasadzi vha di ralo-vho, vha vhe vhadzia-vhugala, vha so ngo vha vha zwitshele, vha vhe vhadzia u sa nwa, vha fulufhedzeaho kha zwothe." Kha vhaRoma 16:1 zwitou nga hu na u fanisa kha Foivhe we a vha e mushumeli tshivhidzoni tsha kenkrea Roma. O vha e mufarisi wa kereke.
Vhafumakadzi a vha vha do ita mushumo muhulwane wo tanganaho na "Tshigwada tsha mirabelo ya vhafumakadzi" tsha dzikereke. Vha do vhona uri tshifhato tsha kereke tsho kunakiswa; na u vhona uri dzindilo dza tshilalelo dzo kuna na u vha dzo lugiselwa u do shumiswa Dafulani la Murena matsheloni mangwe na manwe a Duvha la Murena. Zwi do thusa u funza zwikoloni zwa swondaha u vhidza na zwisiwana na vhashai, kana avho vhane vha lwala kerekeni, na uri vha do rabelela vhothe. Hu ra zwithu zwinzhi cwine vhafumakadzi vha nga shuma zwavhudi khazwo kerekeni.
NDIMA YA VHUTANU
MUEWANGELI
1. Dzina lo vha thalutshedzo kha mushumo une wa itwa nga muewa ngeli
Muthu a nga kha di pfa muewangeli a tshi vhidzwa mufunzi, fhedzi mushumo wawe a si munzhi une vhufunzi ha nga andadza fhungo la Mudzimu. Vhufunzi ha vhahulwane na vhashumeli.
2. Vhutanzi ha muewangeli
A hu na ndunzhendunzhe ya vhutanzi ha muewangeli vhune ha wanala Bivhilini, fhedzi ri nga vha na ngoho ya uri a vha nga vhi vhatuku nga Mushumo sa vhahulwane kana vhashumeli. Stefano zwo vha zwi zwavhukuma e muewangeli na mushumeli, sa Filipo. Ndi zwine zwa bva vhukati ha vhashumeli vha kereke uri vhunzhi ha vhaewangeli vhanzhi vhaswa vha tea u da. A vha vhanna vha fanela u ya gudedzini u gudela u andadza fhungo la Mudzimu lo khwathaho.
3. Mushumo wa muewangeli
Ndi mushumo wa muewangeli u andadza na u funza mafhuungo a Kristo. U tea u dinea tshifhinga tshawe tshothe kha mushumo wawe, zwo ralo, kereke yo vha yo tea u ita thendelano nae uri vha do mu badela muholo wo teaho kha uri vha nduni yawe vha wane zwiliwa zwine vha zwi toda na uri vha do mu nea nndv ine a do dzula na vha nndu yawe. A rali ri tshi vhala 1 Vhakorinta 9, na 1 Timoheo 5, ri do vhona uri Murena u amba uri ri tea u nea kha muewangeli a shayo. Muewangeli u tea u shuma o khwatha u bveledza kufunzele kuswa na mafhungomadifha a kereke na vhahulwane na vhashumeli vha tea u mu thusa u vhona uri thuso dzo teaho dzi a itwa afho fhethu ha u rabela na mushumo wa tshilalelo. Muewangeli u tea u dalela fhethu hothe ha u funzela tshifhinga tshothe u vhona uri hu na fhethu ha vhudi ha u rabela. Arali hu nga itea uri afho fhethuhu na fhethu hunzhi ha u funzela ha muewangeli na vhahulwane na vhashumeli u vhona uri mushumo u farwa vhege inwe na inwe, zwenezwo, zwigwada zwi tea u khethekana na uri hu do vhidzwa muewangeli muswa u thusa afho fhethu.
U andadzwa ha fhungo la Mudzimu ndi mushumo wa kereke a si mushumo wa muvhuso wa shango. Ndi mushumo wa Murena, hu si maimo a u huliswa. Thanziela dza mushumo wa hofisini, zwiambaro zwitswu, dziphuraphura na dzithendelo dza u ita zwinwe zwithuna u fhungudzelwa mitengo na u hulisea, a zwi shumelani na kereke ya Testamente ntswa ua Kristo. Muewangeli wa vhukuma ha iti mushumo wawe uri a huliswe nga vhathu. U u itela u shumela Mudzimu. Ipfi :Muhulisei" li shumiswa luthihi Bivhilini na uri li shumiswa kha Mudzimuhu si muthu. (Dzipsalme 111:9)
Mushumo wa muewangeli ndi u andadza fhungo la Mudzimu na u funza na u shumisana na vhatendi kha Kristo na u bveledza fhethu huswa ha u funzela kerekeni, fhedzi u tea u thusa nga tshifhinmga tsha lufu lwa munwe wa miradoya kereke, na u vha tshifhinga tshothe a tsumbo yavhudi kha VhaKristo. Nga duvha la lufu, ndi tshone tshifhinga tsha vhudi tsha u tangana na vhathu uri vha wane tshidzo yavho. Ndi tshifhinga tsha musi vhathu vha tshi humbula nga vhutshilo nga murahu ha musi ho bvelela lufu na uri vha nga vha vho diimisela u fa. Kereke i tea u hulisa muewangeli kha mushumo na vhutshiloni hawe, zwi si itwe ngauri ndi muewangeli.
NDIMA YA VHUTANU NA VHUTHIHI
ZWIMBVUMBVUSI ZWA KEREKE
Hu na zwimbvumbvusi zwinzhi zwa kereke zwine zwi si wanale Bivhilini, fhedzi zwo tendelanaho na u funzwa ha Bivhili. Izwi ndi zwone zwavhudi na uri zwi tea u itwa nga ndila ya tshiLristo.
1. Tshikolo tsha swondaha
Ndi tsha ndeme kha zwothe zwa iyi Mishumo ndi mushumo wa tshikolo tsha Swondaha tsha kereke. Vhahulwane vha tea u langa izwi, naho vhufunzi ha vhukuma vhu nga itwa nga murado ane a vha na vhukoni munwe na munwe wa kereke. Hu tea u vha na dzikilasi nga duvha linwe na linwe la Murena, ngauri tshikoloni tsha Swondaha ndi hone hune ha do bva mirado ya matshelo minzhi ya kereke. Vha fanela u funzwa u funa Murena na u vha wa u thoma kha zwithu zwothe. Munikelo wa tshikolo tsha Swondaha u fanela u newa mufaragwama wa kereke u vhulungela zwine tshikolo tsha swondaha tsha do zwi toda sa zwishumiswa zwa u funza na dzibodo dza u nwalela na dzitshoko, na dzibugu kana mabammbiri a u nwalela.
2. Mitangano ya vhafumakadzi
Mutangano wa vhafumakadzi ndi u tanganela thabelo, chukonani na u guda nga ha Bivhili. Samusi a vha vhafumakadzi vha tshi ita mushumo wa vhashumeli vha vhafumakadzi tshifhinga tshothe, nga izwo, Mutangano wa vhafumakadzi u na ndeme kerekeni.
3. U gudiswa na vhaswa na vhatendi vhaswa.
Kereke inwe na inwe i tea u vha na tshifhinga musi vhaswa vha kale na vhatendi vhaswa vha tishi tangana u vhala Bivhili. Bivhili iri vhudza uri nga murahu ha musi vhathu vho lovhedzwa kha Kristo, ri tea u ya phanda na u vha funza. Kha rasithi ya 10c ya mbadelo ya poswo, mubveledzi wa iyi bugu u do rumela ndunzhe-ndunzhe ya zwishumiswa zwine zwa vha hone kha mushumo uyu.
Mutangano uyu u tea-vho u vha na tshifhinga tsha thabelo na vhukonani na ngudo. Vhanzhi vha tshigwada itshi vha fanela u vha vhaKristo, arali vha so ngo ita ngauralo-vho.
4. Khwairi
Vhanzi vha vhaswa vha do vha mirado ya khwairi, ngauralo zwi nga vha zwavhudi u vha na iyi mitangano mivhili madekwana eneo, munwe nga murahi ha munwe. Khwairi i tea u vha fhasi ha muthu ane a vha hone. I tea u lugisela vhathu vhanzhi vha khwine duvha linwe na linwe la Mushumo wa Murena.
5. Mutangano wa kereke.
Mutangano wa nwaha wa kereke, tshinwe tshifhinga u vhidzwa upfi khonferensi, ndi tshifhinga tsha vhukonani, na thabelo na u hulisa Mudzimu. A si tshifhinga tsha u sika milayo ya kereke kana u tandulula dzithaidzo dza kereke. Thaidzo idzi dzi teau tandululwa nga kereke dza fhano fhasi dzine dza kwamea hu si nga tshifhinga tsha khonferensi kana dzikhonferensi. Zwipikara zwavhudi na muzika zwi shumiswaho khonferensini uri zwi nga vha zwo shudufhadzwaho kha vhothe vhane vha dzhenela iyo khonferensi.
Kereke inwe na inwe ya Kristo ya fhano fhasi i nga dzhenela iyo khong\ferensi, nga nnda ha musi i tshi shuma yo tangana na dzinwe kereke dzo dzhenelaho na u vha yo tanganedzwa khadzo. Dzi do toda muewangeli o tanganedzeaho ane a shumela tshivhidzo.
Kha mafhungo a u khetha vhahulwane vha khonferensi, tshivhidzo tshinwe na tshinwe tsho tendelwa u vha na vhaimeli vhavhili vhane vha do tshi imela. Arali tshi tshivhidzo tshihulwane, muimeli muthihi o engedzwaho u do tendelwa kha nyengedzedzo inwe na inwe, zwine zwa vha uri arali i mirado ya dana i do vha na vhaimeli vhatanu.
6. Fhethu ha rali na u andadza mafhungo na mitangano ya kotara inwe na inwe ya nwaha.
Kereke nnzhi dzine dza vha tsini na tsini, kana dzi no shumelwa nga Muewangeli muthihi, dzi na fhethu ha mitangano, khamusi nga murahu ha minwe na minwe. Mitangano iyi i do farwa kha inwe ya dzikereke dza henefho fhethu. Dzi do vha dza zwa vhukonani na mirabelo, na uri a hu na bindu line ha ambiwa nga halo kana u kuvhanganya tshelede zwaho.
7. Tshikolo tsha u gudisa Bivhili.
Kereke dzi do toda uri vhaewangeli vhadzo vhothe vha gudiswe tshikoloni tsha u gudisa Bivhili tsho bveledzelwaho mushumo uyu. Zwifhinga zwa u tanganedzwa tshikoloni ndi zwinzhi na u gudiswa ndi ho teaho. Ndi zwavhudi kha kereke musi dzi tshi vhidza mueeangeli, u tenda uri vha do mu badela kha tshenzhemo yawe na u gudisa tshikoloni vhathu vho gudiswaho zwavhudi na u vha na tshenzhemo vha ita mushumo wa vhudi na uri vho tewa nga mbadelo yavhudi-vho.
Naho ri tshi funza dzipfunzo dza Bivhili , nga u guda muthu a hayani, ri vhona uri nga murahu ha ngudo ya u thoma, u gudiswa ngamanda nahone zwa phanda zwi tea u itwa ngomu kilasini. Arali muthu a tshi toda u gudela vhuewangeli, u fanela u kona u fhindula mbudziso dza mugudisi na u vha o fhindulwa zwavhudi, u fanela u vha na laiburari ine ya vha hone ya dzibugu, na zwinwe zwithu zwo teaho tshiloloni. A ri nei ngudo ya u thoma nga poswo.
NDIMA YA VHUTANI NA VHUVHILI
DZITSHELEDE
1. Nga ndila ine muKristo a shumisa tshele de yawe ndi zwa ndeme.
Mu Kristo o ambiwa kha Testamente ntswa.
MuKristo o ambiwa kha Testamente ntswa sa mudzudzanyi wa mitangano na u londa zwishumiswa zwa tshivhidzo. Zwine zwo amba uri zwine ra vha nazwo a si zwa rine vhane. Zwothe zwine ra vha nazwo ndi zwa Mudzimu na uri u lavhelela uri ri do zwi shumisa nga ndila ya u MU hulisa. Na u khoda dzina lawe. (Luka 16:1-8, 19:11-28) MuKristo a nga si zwi ite, uri a dise zwa zwinwe zwa zwe a kana kha Murena na uri a lavhelele u shumisa zwo salaho nga inwe ndila ine a funa. Na rine vhane ri vha Mudzimu. A ri di tshileli nga rine vhane. Ri nga si shumise zwo salaho nga murahu ha musi ro isa zwinwe kerekeni, tsumbo, kha fola na kha madaisi na kha halwa, na kha zwinwe zwithu zwine zwa vha zwivhi. Zwine zwa sala ndi zwa Mudzimu, ngauralo u a ri tendela u zwi dzhia ra zwi shumisa kha vha nduni dzashu. Ri fanela u ita zwothe nga u hulisa Mudzimu.
Tshifhinga tshothe Bivhili yo funza uri tsha-fumi tsha kana zwi tea u ya Mudzimuni. Izwi zwi vhidzwa u pfi ndi Mitendelo kana minikelo. (Genesi 28:22) Nehemia 10:37,38; Maleaxi 3:8-10) MuYuda, eve a so ngo vhaho na maanda a u shumela Murena, U kha di tea u badela tsha-fumi kha izwo zwothe o swi wanaho kha Murena. Rine, rine ra vha na Kristo, ri koloda ngamaanda tshikolodo tshihulwane kha Murena sa zwe MuYuda a ita. Mudzimu o fulufhedzisa u shudufhadza avho vhashu vhane vha fulufhedzea kha Murena ngauralo. Ri tea u nea kha Murena nga kereke Yawe, kha zwothe zwine ra kana. Ri nga si nee tshelede thukhu kha Murena ra lavhelela uri u do ri shudufhadza. Kha bugu yaMalexi u kaidza avho vhane vha linga u ita izwi "Dzimbava" (Maleaxi 3:8) Ri vhala II VhaKorinta 8:4 na Kha Mishumo ya Vhaapostola 2:42 nga ha vhukonani hashu khathihi na thabelo. Izwi a si vhukonani Fhedzi kha thabelo, Fhedzi ndi vhukonani ha u nea kha Murena-vho.
U nea hashu hothe zwi sumba uri ri funa Murena. Mudzimu u funa munei a no nea o takala. Nga ndila iyi ri nga vhea vhafaragwama vhashu ntha tadulu, ngauralo i nea ndimpho ine ra fanela u i livhuha.
2. Ndila nthini ya uri Mudzimu o nea thikedzo o nea thikedzo ya kereke ndi nga zwifhiwa zwa VhaKristo.
Mudzimu ha ngo ri ri tshimbile mudi nga mudi ri tshi kuvhanganya tshelede ya Kereke. Zwi a nyadzisa musi kereke i tshi fanela u humbela vhane vha si vhe vhaKristo u tikedza mushumo wa Murena. A ri nga nei kha Mushumo wa Mudzimu nga mavhengele a dzithundu na dzitie na dzikhonsati na mitatisano kana inwe ndila ya u ita tshelede. Musi vhaKristo vhothe vho nea zwine zwa vha zwa vhukuma zwa Mudzimu kerekeni, hu do vha na tshelede nnzhi ya u badela zwa kereke. Mudzimu o ralo ari, vhaKristo vhothe vha tea u badela zwikolodo zwa kereke.
3. Mitendelo (minikelo) ya kereke ndi mushumo wa Murena.
Vhashumeli vha na vhudifhinduleli ha u shumisa tshelede iyi sa ine ya vha ya u shumela Murena. Yo itelwa u renga zwishumiswa zwa kereke na u badela muholo wa vhaewangeli, na u andadza fhungo la Mudzimu kha vhanwe kha iyo tshelede, mutengo we vha tendelana khawo u fanela u badelwa muewangeli vhege inwe na inwe, zwikolodo zwa madi na mudagasi zwi tea u badelwa, rennde ya tshifhato tsha kereke, na zwinwe zwikolodo zwa kereke kana zwa tshikolo tsha Swondaha. Kereke i fanela u vhea tshelede inwe na inwe thungo nwedzi munwe na munwe uri i rumelwe tshikoloni tsha Bivhili kha u gudisa Bivhili kha u gudisa vhaewangeli, na tshelede ya chaewangeli na ya u fhata u bveledza mushumo wa Murena kha vhanwe vhathu.
4. Kereke i tea u vha na tshelede yo vhetshelwaho u vha ya tshifhato.
Kereke inwe na inwe itea u vha na bugu ya mbulungelo ya tshelede (bannga) ya u lavhelesa tshi fhato. Iyi tshelede i shumiswa fhedzi kha u lugiswa ha tshifhato kana u fhata tshifhato tshiswa tsha kereke kana nndu ya lutendo Minikelo yo khethwaho i nga shumiswa kha tshelede iyi kana inwe ya vhege inwe na inwe i nga vhetshelwa thungo kha thodea idzi.
NDIMA YA VHUTANI NA VHURARU.
KHULISO YA KEREKE
1. Mushumo wa khuliso u tea u vha nga ngona na u vha na thompho kha Murena.
Ndugiselo yavhudi itea u itwa phanda ha musi mushumo wa khuliso woitwa u vhona uri nyimbo dzine dza do shumiswa dzo nangwa, na uri Munwe muthu o humbelwa u ranga phanda thabelo, na uri Dafula la Murena (tshilalelo) lo andadzwa u lugiselwa u do itwa. Mishumo yothe i tea u vha nga u tevhekana na nga thabelo.
2. Dafula la Murena ndi tshifhinga tsho khethwaho u vha tshifhinga tsha u shumela Mudzimu.
Vhasadzi vha tea u vha vho adzela malabi dafulani zwinkwa na dzibigiri dza tshilalelo zwavhudi phanda ha musi mushumo u tshi thoma. Hu tea u vha na dzibigiri dzo teaho u vha dzo linganaho vhaKristo vhane vha vha hone, fhedzi arali dzo lugela u shela tie nga tshifhinga tsha Mushumo, hu tea u dzhielwa nzhele uri izwi zwi itwa nga u sumbedza thompho. Madi a mutshelo ane a nga rengwa na mabodelo matuku zwino, a tea u vha o luga kha bigiri thuku ine ya vha hone kana tshifaro tsha tie u itela uri i shelwe hu si na vhuleme. Hu tea u vha na zwiliwa zwinzhi kana zwinkwa zwi so ngo lungwaho hene fho mathomoni. Arali nga zwinwe zwiitisi, madi a mutshelo a so ngo rengwa, dzhamu ya mutshelo i nga tanganiswa na madi zwa fhambanyiswa sa madi ane a vha vhudzuloni ha zwiliwa. Izwi zwi do vha hone kha mudi munwenamunwe kana vhengeleni.
3. Ndovhedzo ndi tshifhinga tsha u shumela mudzimu kha muKristo munwe na munwe muswa.
Nga khumbelo, muthu utea u elelwa tshifhinga tshothe duvha le a lovhedzwa ngalo. Vhahulwane nga vha vhe vhadzula zwidulo na u vha na thomphokha tshifhinga itshi tsha mushumo wa Mudzimu. Hu fanela u vhalwa manwalo a fhung o la Mudzimu, thabelo ha ndovhedzo ya vhukuma yone ine, hungwe na u imba nyimbo. Vhahulwane vha tea u vha na vhungoho ha uri ndi zwa vhukuma afho fhethu hu na madi manzhi. Madi a tea u vha a tshi guma khunduni ya muthu nga u tsa hao. Uri hu so ngo vha na vhuleme na u kondelwa kha u lovhedzwa. Ndi zwa ndeme uri mulamboni muthu a dzheniswe madini nahone fhasifhasi hu tea u sedzwa uri a hu na zwithithisi naa Muthu u tea u dzheniswa ngomu madini nga zwavhudi na uri hu na madi a elaho fhasi, Fhedzi utea u takulelwa-ha ntha hafhu nga u tavhanya a bva madini a mbwandamedzwe hafhu na uri thuswe nga ngu vho u ya fhethu hune ha vha na zwiambaro zwo omaho a kone u ambara.
4. Thanziela ya ndovhedzo i tea u newa nga murahu ha ndovhedzo.
Nga murahu ha ndovhedzo mushumi wa hofisi wa kereke u tea u lugisa thanziela na zwothe nga ha mutendi na kereke iyi. A hu na mbadelo i no itwa kha thanziela i yi kana tari li no fana nayo zwayo arali thanziela yone ine yo xela. Izwi ndi zwa vhukuma, na kha certificates zwine zwa newa vhana vhane vha vha mirado ya kereke. Nga itsho tshifhinga vhabebi vho eletshedzwa u laya vhana vhavho uri vha vhe vhaKristo vha fuluufhedzeaho musi vho no hula uri vha nga vha na muhumbulo uyu.